या जगात हिंदू राष्ट्र म्हणता येईल असा खरंतर एकही देश नाही. पण असे अनेक देश आहेत ज्यांची राष्ट्रीय प्रतीके हिंदू देवी देवतांची चित्रे, मंदिरी किंवा धार्मिक चिन्हे आहेत. अशाच एका देशाविषयी आज आपण माहिती घेणार आहोत. ज्या देशात एकही हिंदू राहत नाही. पण या देशाच्या राष्ट्रध्वजावर एका मंदिराचे चित्र आहे. हा देश कोणता? चला जाणून घेऊयात.
या देशाचं नाव काय?
कंबोडिया हा जगातील एकमेव असा देश आहे ज्याच्या राष्ट्रध्वजावर मंदिराचे चित्र आहे. हा राष्ट्रध्वज 1989 मध्ये तयार करण्यात आला होता. ज्याला 1993 मध्ये कंबोडिया सरकारने मान्यता दिली. पण या ध्वजावर मंदिराचे चित्र 1875 मध्येच बनवण्यात आले होते. खरंतर, या ध्वजात अनेक बदल केले गेले. परंतु त्यावरील मंदिराचे चित्र अद्याप बदललेले नाही.
हे मंदिर कोणतं?
या राष्ट्रध्वजावर अंगकोर वाटच्या मंदिराचे चित्र आहे. भगवान विष्णूला समर्पित हे मंदिर 12व्या शतकात बांधले होते. मूलतः ही एक हिंदू धार्मिक वास्तू आहे जी राजा सूर्यवर्मन द्वितीय यांनी कुशल कारागिरांकडून बांधून घेतली होती. कालांतराने या मंदिराचे बौद्ध मंदिरात रूपांतर झाले आणि नंतर ते हिंदू बौद्ध मंदिर म्हणून ओळखले जाऊ लागले. गिनीज वर्ल्ड रेकॉर्ड्समध्ये या मंदिराची जगातील सर्वात मोठी धार्मिक वास्तू म्हणून नोंद आहे. राष्ट्रध्वजाबद्दल सांगायचं झालं तर, या मंदिराच्या मूळ वास्तूत एकूण पाच मिनार आहेत. पण ध्वजावर केवळ तीन मिनार दाखवण्यात आले आहे.
देशात एकही हिंदू राहत नाही
कंबोडिया एक अशा देश आहे जिथे हिंदू धर्मीय वास्तव्यास नाहीत. इथल्या संस्कृती आणि धर्म मंत्रालयाच्या मते, या देशात 93% बौद्ध आणि उर्वरित 7% ख्रिश्चन, मुस्लिम, अॅनिमिस्ट, बहाई, ज्यू आणि काओ दाई धर्मीय राहतात. अर्थात या देशाच्या आकडेवारीत हिंदू धर्मियांचा कोणत्याही प्रकारे उल्लेख नाही.
हेही पाहा –
Comments are closed.