गाडीच्या पुढच्या सीटवरुन मित्राच्या कपाळात गोळी झाडली, खाली फेकल्यावर कार अंगावरुन नेली, पिंपरी

पिंपरी : चहोलीतील वडमुखवाडी येथील खडी मशीन रस्त्यावर एका व्यावसायिकाला कारमध्ये बसवून त्याच्यावर त्याच्या मित्रांनीच गोळ्या झाडून त्याचा खून (Pune Crime News) केला. ही घटना बुधवारी (दि. १२) सायंकाळी साडेपाचच्या सुमारास घडली. या प्रकरणातील संशयित पळून गेले असून, त्यांच्या शोधात पिंपरी-चिंचवड पोलिसांची पाच पथके त्यांचा शोध घेत आहेत. या घटनेतील टॉयोटा फॉर्च्युनर कारमध्ये झालेल्या निर्घृण हत्येचं थरारक सीसीटीव्ही (CCTV) फुटेज समोर आलं आहे. बुधवारी संध्याकाळी घडलेल्या या घटनेत आरोपी अजूनही फरार  (Pune Crime News) असून पोलिसांचा शोध सुरू आहे. फुटेजमध्ये हत्या आणि त्यानंतरची अमानुष वागणूक स्पष्ट दिसते. ही घटना बुधवारी सायंकाळी ६ वाजताच्या सुमारास अलंकारपुरम ९० फूट रोडवरील श्री साई रोड कॅरिअर, चारोळी परिसरात घडली. मित्रांच्या गटामधील वैयक्तिक वादातून ही हत्या झाल्याची माहिती समोर आली आहे. (Pune Crime News)

नितीन शंकर गिलबिले (३८, रा. वडमुखवाडी, चहोली) असे खून झालेल्या व्यावसायिकाचे नाव आहे. याप्रकरणी नितीन यांचे भाऊ सचिन शंकर गिलबिले (४०) यांनी दिघी पोलिस ठाण्यात फिर्याद दिली. त्यानुसार अमित जीवन पठारे (रा. पठारे मळा, चन्होली), विक्रांत सुरेश ठाकूर (रा. सोलू, ता. खेड) यांच्या विरोधात गुरुवारी गुन्हा दाखल करण्यात आला.

Pune Crime News: मृतदेह कारमधून बाहेर फेकण्यात आला

नितीन गिलबिले बुधवारी संध्याकाळी आपल्या दोन मित्रांसह MH 14 LL 8900 नंबरच्या फॉर्च्युनर कारमध्ये चहोलीतील आला होता. कारमध्ये बसलेले असताना तिघांमध्ये वैयक्तिक कारणावरून वाद झाला. या दरम्यान नितीन कारबाहेर उतरला. काही वेळ बोलून तो पुन्हा पुढच्या सीटवर बसला. तेव्हाच आरोपींपैकी एकाने अचानक नितीनच्या डोक्यात गोळी झाडली. नितीनचा जागीच मृत्यू झाला. त्यानंतर त्याचा मृतदेह कारमधून बाहेर फेकण्यात आला. त्याचे पाय दरवाज्यात अडकले होते; ते ओढून काढल्यानंतर आरोपी कार घेऊन तिथून पसार झाले आणि ते जात असताना कार गिलबिलेंच्या पायावरून चढवून गेल्याची नोंद सीसीटीव्हीमध्ये आहे.घटनेची माहिती मिळताच दिघी पोलीस आणि क्राइम ब्रँचची पथके घटनास्थळी दाखल झाली. आरोपींच्या शोधासाठी मोठ्या प्रमाणावर तपास सुरू आहे.

एका व्यावसायिकाला कारमध्ये बसवून त्याच्यावर गोळ्या झाडून त्याचा खून केला. या घटनेचे सीसीटीव्ही फुटेज समोर. कारमध्ये गोळी झाडून नितीन गिलबिले यांचा खून केला. त्यानंतर रस्त्याच्या कडेला नितीन यांचा मृतदेह टाकून संशयित कार घेऊन पसार झाले#पुणेन्यूज #crimenews pic.twitter.com/vb4k88MOTQ

— अंकिता शांतीनाथ खाणे (@KhaneAnkita) 14 नोव्हेंबर 2025

Pune Crime News: मृतदेह रस्त्याच्या कडेला मोकळ्या जागेत टाकून पळून गेले

दिघी पोलीस स्टेशनचे वरिष्ठ पोलीस निरीक्षक प्रमोद वाघ यांनी सांगितले, “बुधवारी संध्याकाळी ही घटना घडली. खुनाचा गुन्हा दाखल केला आहे. आरोपी फरार असून त्यांच्या शोधासाठी पाच पथके कार्यरत आहेत. लवकरच त्यांना अटक करण्यात येईल. गुन्ह्याचे नेमके कारण अद्याप स्पष्ट झालेले नाही.”

नितीन गिलबिले हे जमीन खरेदी विक्रीचा व्यवसाय करत होते. त्यांनी मागील काही महिन्यांपूर्वी अलंकापुरम रस्त्यावर हॉटेलदेखील सुरू केले होते. व्यावसायिक गाळे बांधून ते भाड्याने दिले होते. बुधवारी सायंकाळी नितीन खडी मशीन रस्त्यावर काही लोकांसोबत बोलत थांबले होते. त्यावेळी संशयित कार घेऊन आले. त्यांनी नितीन यांना कारमध्ये बसवले आणि नितीन यांच्या हॉटेलच्या दिशेने निघून गेले. संशयितांनी नितीन यांच्यासोबत वाद घालून त्यांच्यावर गोळीबार केला. यामध्ये नितीन यांचा जागीच मृत्यू झाला. खून केल्यानंतर संशयितांनी नितीन यांचा मृतदेह रस्त्याच्या कडेला मोकळ्या जागेत टाकून पळून गेले. हत्येचे कारण अद्याप समोर आलेले नाही.

आणखी वाचा