अबू धाबी टी20 लीग 2025 च्या 24 व्या सामन्यात गुरुवारी (27 नोव्हेंबर) ऑस्ट्रेलियाचा माजी अष्टपैलू खेळाडू बेन कटिंगने असा शॉट खेळला की संपूर्ण स्टेडियम नाचले. एस्पिन स्टेलान्सकडून खेळताना या स्टार खेळाडूने यूएई बुल्सविरुद्ध केवळ 18 चेंडूत 39 धावा केल्या. या खेळीत 4 षटकारांचा समावेश होता, पण एक षटकार सर्वाधिक चर्चेत राहिला.
सनरायझर्स हैदराबाद (SRH) ला IPL (2016) फायनल जिंकण्यात मदत करणाऱ्या मॅच-विनिंग इनिंगसाठी प्रसिद्ध असलेल्या बेन कटिंगने T20/T10 लीगमध्ये त्याचे नाव अजूनही का भीती निर्माण करते हे या सामन्यात पुन्हा दाखवले. बुल्सविरुद्धच्या त्याच्या खेळीत चार षटकार आणि तीन चौकारांचा समावेश होता. पण सोशल मीडियावर जो षटकार वणव्यासारखा पसरत आहे तो त्याचा हेलिकॉप्टर-शॉट आहे. चेंडू इतका जोरात लाँगऑनकडे गेला की चाहत्यांनी लगेच त्याची तुलना धोनीशी करायला सुरुवात केली.
Comments are closed.