घर स्वच्छ असले की जीवाणू घरात प्रवेश करत नाहीत. त्यामुळे घर नीटनेटके असण्यासोबत स्वच्छ असायला हवे. विशेष करून बाथरुम, फरशी, टॉयलेट्स, किचन आदी. घर स्वच्छ ठेवण्यासाठी क्लिनरची मदत घेतली जाते. पण, या महागड्या क्लिनरमध्ये केमिक्लस असल्याने आरोग्यासाठी हानिकारक ठरू शकतात. अशावेळी तुम्ही घराचा कोपरा न् कोपरा स्वच्छ करण्यासाठी घरीच DIY क्लिनर बनवू शकता. आजच्या लेखात जाणून घेऊयात घरी क्लिनर कसे बनवायचे.
ग्लास क्लिनर –
वॉडरोबवरील आरसे किंवा खिडकीच्या काचा अशा गोष्टी स्वच्छ करणे एक प्रकारची डोकेदुखी असतात. काचांवर जोर देऊन घासता येत नाही कारण त्या तुटण्याची शक्यता असते. त्यामुळे महिला बाजारातील क्लिनर मऊ कापडावर घेऊन काचा स्वच्छ करतात. तुम्ही घरी सुद्धा हे क्लिनर बनवू शकता.
बनवण्याची पद्धत –
- ऍपल सायडर व्हिनेगर – 1/2 कप
- स्पिरीट – 1/2 कप
- दोन्ही गोष्टी पाण्यात मिसळा आणि स्प्रे बाटलीत भरा. तयार क्लिनरने काचा स्वच्छ होतील.
हेही वाचा – ‘पावडर रूम’ म्हणजे काय? बाथरूम नाही, वॉशरूम नाही, तर का वापरात आला हा शब्द
किचन क्लिनर –
स्वंयपाकघर दररोज स्वच्छ करणे आवश्यक असते कारण विविध प्रकारच्या पदार्थांतून दुर्गंधी किचन कट्ट्यावर जमा होते.
बनवण्याची पद्धत –
- व्हिनेगर – 1 कप
- संत्र्यांची साले
- बेकिंग सोडा – 2 चमचे
- कडुलिंबाची पाने – 2 ते 3
- एक कप पाण्यात व्हिनेगर, संत्र्याची साल, बेकिंग सोडा, कडुलिंबाची पाने
तेलकट डाग काढण्यासाठी –
तेलाचे डाग खूप चिकट असतात. हे डाग दूर करण्यासाठी क्लिनर बनवता येईल.
- लिंबाचा रस – 2 चमचे
- बेकिंग सोडा – 1 चमचा
- कॅस्टिल साबण – 1/2 चमचा
- सर्व साहित्य 2 कप पाण्यात मिक्स करा आणि स्प्रे बाटलीत भरा. तयार क्लिनरने तेलकट डाग निघतील.
ग्रीस क्लीनर –
गॅस शेगडी, एक्झॉस्ट फॅनच्या आजूबाजूची भिंत धुळीने चिकट होते. जी सहजपणे स्वच्छ होत नाही. हे साफ करण्यासाठी DIY क्लिनर बनवता येईल.
- लिंबाचे तुकडे – 2 ते 3
- बेकिंग सोडा – 1 चमचा
- डिटर्जंट पावडर – 2 चमचेट
- कोमट पाणी
- सर्व साहित्य कोमट पाण्यात मिक्स करून चिकट भागांवर फवारा आणि लिंबाच्या साली त्यावर घासा. यामुळे डाग निघतील.
हेही वाचा – Gardening Tips: हिवाळ्यात थंड वातावरणामुळे कोमेजतात झाडं; अशी घ्या काळजी
Comments are closed.