नगरपालिका बिनविरोध केली म्हणजे तपोवन खाली कराल हा तथाकथित संकटमोचकांचा गोड गैरसमज; तपोवनातील वृ

नाशिक वृक्षतोडीवर रोहित पवार : नाशिकमध्ये 2027 मध्ये होणाऱ्या सिंहस्थ कुंभमेळ्याच्या (Nashik kumbh Mela 2027) तयारीला वेग आला असून तपोवन परिसरातील 1150 एकर जागेवर साधू-महंतांसाठी साधूग्राम (Sadhugram) उभारण्याचे काम नियोजित आहे. मात्र या बांधकामासाठी सुमारे 1800 झाडे तोडण्याचा (Tapovan Tree Cutting) प्रस्ताव असल्याने स्थानिक नागरिक आणि पर्यावरणप्रेमींमध्ये तीव्र नाराजी उसळली आहे. वृक्षतोडीच्या विरोधात नाशिककरांसह पर्यावरण कार्यकर्ते आणि काही सेलिब्रिटीही रस्त्यावर उतरत आंदोलन करत आहेत. तर ठाकरे बंधुंसह अनेक राजकीय नेत्यांनी देखील वृक्षतोडीला कडाडून विरोध केलाय. दरम्यान, आता या वृक्षतोडीवरून राष्ट्रवादी शरदचंद्र पवार पक्षाचे (NCP Sharad Pawar Faction) आमदार रोहित पवार (Rohit Pawar) यांनी कुंभमेळा मंत्री आणि भाजप नेते गिरीश महाजन (Girish Mahajan) यांच्यावर घणाघाती टीका केलीय.

आमदार रोहित पवार यांनी ‘एक्स’वर पोस्ट करत म्हटलंय की, भ्रष्टाचार हीच भक्ती आणि सत्ता हीच श्रद्धा असणाऱ्या सत्ताधाऱ्यांना तपोवनाचं महत्व काय कळणार? सत्ताधाऱ्यांना विशेषतः नाशिकच्या कारभाऱ्यांना केवळ आणि केवळ प्रॉफिटची भाषा कळते. कुंभमेळ्याच्या नावाखाली जमीन मोकळी करायची आणि कुंभमेळा संपताच एखाद्या संस्थेच्या नावाने जमीन लीजवर घेऊन लाटायची हाच सत्ताधाऱ्यांचा खरा डाव असून तपोवनाची जमीन लाटण्यासाठीच एवढा अट्टहास सुरु आहे, असा हल्लाबोल त्यांनी राज्य सरकारवर केलाय.

भ्रष्टाचार हीच भक्ती आणि सत्ता हीच श्रद्धा असणाऱ्या सत्ताधाऱ्यांना तपोवनाचं महत्व काय कळणार? सत्ताधाऱ्यांना विशेषतः नाशिकच्या कारभाऱ्यांना केवळ आणि केवळ प्रॉफिटची भाषा कळते. कुंभमेळ्याच्या नावाखाली जमीन मोकळी करायची आणि कुंभमेळा संपताच एखाद्या संस्थेच्या नावाने जमीन लीजवर घेऊन… pic.twitter.com/VXkQMIJArZ

– रोहित पवार (@RRPSpeaks) 29 नोव्हेंबर 2025

Rohit Pawar on Girish Mahajan: हा तथाकथित संकटमोचकांचा गोड गैरसमज

रोहित पवार पुढे म्हणाले की, गुंडाचा वापर करून एखादं दुसरी नगरपालिका बिनविरोध केली, म्हणजे प्रॉफिट कमवण्यासाठी त्याच पद्धतीने तपोवन खाली करता येईल, हा कोणाचा समज असेल तर हा तथाकथित संकटमोचकांचा गोड गैरसमज आहे, अशी टीका त्यांनी गिरीश महाजन यांच्यावर केली आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Raj Thackeray Nashik Tree cutting: दुसरीकडे झाडं लावायला पाचपट जागा असेल तर साधुग्राम तिकडेच करा, तपोवन उद्योगपतींच्या घशात घालू नका: राज ठाकरे

Sayaji Shinde on Nashik tree Cutting: झाडं आमची आई-बाप आहेत, त्यांच्यावर हल्ला केला तर गप्प बसणार नाही; सयाजी शिंदेंनी नाशिकच्या तपोवनात लढाईचं रणशिंग फुंकलं

आणखी वाचा