Datta Jayanti 2025 : श्री दत्त परिक्रमा म्हणजे काय आणि ती कशी पूर्ण करतात?

By Marathi On Nov 29, 2025

श्री गुरुदेव दत्त महाराजांच्या जयंतीचा सोहळा प्रत्येक दत्त भक्तासाठी पावन दिवस असतो. यादिवशी दत्तात्रय महाराजांच्या मूर्तीची किंवा पादुकांची पूजा केली जाते. सायंकाळी दत्त महाराजांचा पाळणा हलवला जातो. यंदा दत्त जयंती 4 डिसेंबर 2025 रोजी साजरी करण्यात येणार आहे. दत्तजयंतीचे अनन्यसाधारण महत्त्व पुराणातही सांगण्यात आले आहे. दत्त जयंतीच्या आधी भक्त दत्त परिक्रमा पूर्ण करतात. पण दत्त परिक्रमा म्हणजे काय आणि ती कशी पूर्ण करतात?यात कोणत्या मंदिराचा समावेश असतो? सविस्तरपणे जाणून घेऊयात.

श्री दत्त परिक्रमा

वाट चुकलेल्या भक्ताला योग्य मार्ग दाखवण्याचे काम गुरु करतो आणि श्री दत्त महाराजांना गुरु मानले जाते. भक्तांना जीवनाचा अर्थ त्यांनी समजावून सांगितलेला आहे. भारतभर त्यांची अनेक मंदिरे आहेत. त्यांपैकी 24 स्थाने अशी आहेत ज्यांची परिक्रमा पूर्ण करण्याला महत्त्व आहे. 24 स्थानांपैकी 15 ठिकाणे महाराष्ट्रात आहे. महाराष्ट्र, कर्नाटक, आंध्रप्रदेश आणि गुजरात या चार राज्यांतील अशा 24 दत्तस्थानांना भेट देताना एकूण 600 किमीचा प्रवास करावा लागतो. या परिक्रमेची सुरुवात श्री शंकर महाराज समाधी मंदिरापासून केली जाते.

हेही वाचा – Margshirsh Mahina Upay: मार्गशीर्ष महिन्यात सुख-समृद्धीसाठी करा हे उपाय; लक्ष्मी मातेचा राहील आशीर्वाद

दत्त स्थाने –

श्री शंकर महाराज समाधी मंदिर (पुणे)
औंदुबार
बसवकल्याण
नृसिंहवाडी
अमरापूर
पैजारवाडी
कुडुत्री
माणगाव
बाळेकुंद्री
मुरगोड
कुरब्रुप
मंथनगुडी
लाडाची चिंचोळी
कडगंजी
माणिकनगर
गाणगापूर
अक्कलकोट
लातूर
माहूर
कारंजा
भालोद
नरेश्वर
टिळकवाडा
गरुडेश्वर

दत्त जयंती तारीख –

दत्त गुरुंचा जन्म हा संध्याकाळी प्रदोष काळात झाला. त्यामुळे हा उत्सव सायंकाळी पाळणा हलवून साजरा केला जातो.

मार्गशीर्ष पौर्णिमा आरंभ – 4 डिसेंबर सकाळी 8.38
मार्गशीर्ष पौर्णिमा समाप्ती – 5 डिसेंबर सकाळी 4.44

उदय तिथीनुसार मार्गशीर्ष पौर्णिमा 4 डिसेंबरला असेल. त्यामुळे यंदा 2025 मध्ये दत्त जयंती गुरुवार 4 डिसेंबर रोजी साजरी होईल. हिंदू धर्मात आठवड्यातील प्रत्येक वार कोणत्या ना कोणत्या देवाच्या आराधनासाठी समर्पित करण्यात आला आहे. गुरुवारी दत्त महाराजांची उपासना केली जाते. यंदा गुरुवारच्या दिवशी दत्त जयंतीचा योग जुळून आला आहे.

हेही वाचा – Datta Jayanti 2025 : यंदा दत्त जयंतीचा सोहळा होणार गुरुवारी, जाणून घ्या तारीख