सोन्याच्या दरात तेजी सुरु, सोनं 1360 रुपयांनी महागलं, 24 आणि 22 कॅरेट सोन्याचे दर जाणून घ्या

सोन्याच्या दागिन्यांची किंमत नवी दिल्ली : भारतात लग्न सराई जशी जवळ येत आहे, त्यानुसार सोने दर वाढत आहेत. सलग दोन दिवस सोन्याचे दर वाढल्यानं 24 कॅरेट सोनं  1 लाख  30 हजारांवर पोहोचलं आहे. नोव्हेंबर ते मार्च महिन्यात चालणाऱ्या लग्नसराईच्या हंगामात देशभरात सोन्याची मोठ्या प्रमाणावर मागणी असते.

तज्ज्ञांच्या मते सोन्याचे दर पुन्हा एकदा उच्चांक गाठू शकतात.  सोन्याच्या दराचा आताचा ट्रेंड  दर आणखी वाढतील असं दाखवत असल्याचा तज्ज्ञांचा अंदाज आहे. सोन्याचे दर पुन्हा उच्चांक गाठू शकतात. सोन्याच्या दरानं 19 मार्च 2025 ला उच्चांक गाठला होता.

24 k Gold Rate : 24 कॅरेट सोन्याचा दर

शनिवार म्हणजे आज (29 नोव्हेंबर) ला सोन्याच्या दर 1360 रुपयांनी वाढून 129920 रुपयांवर पोहोचला आहे. त्याचवेली 100 ग्रॅम सोन्याच्या दरात 13600 रुपयांची वाढ झाली असून ते 12,98,200 रुपयांवर पोहोचलं आहे. सलग दुसऱ्या दिवशी सोने दरात तेजी पाहायला मिळत आहे.

काल  म्हणजेच शुक्रवारी (28 नोव्हेंबर) 10 ग्रॅम सोन्याचे दर 710 रुपयांनी वाढले होते. तर, 100 ग्रॅम सोन्याच्या दरात 7100 रुपयांची वाढ झाली होती. म्हणजेच दोन दिवसात 24 कॅरेट सोन्याच्या एक तोळ्याच्या दरात 2070 रुपयांची वाढ झाली. तर, 10 तोळ्याच्या दरात 20700 रुपये वाढले आहेत. 8 ग्रॅम सोन्याचा दर 103856 रुपये असून 1 ग्रॅम सोन्याचा दर 12982 रुपये इतका आहे.

22 आणि 18 कॅरेट सोन्याचा दर

24 कॅरेटच नव्हे 22 कॅरेट सोन्याच्या दरात देखील वाढ झाली आहे. 22 कॅरेट सोन्याचा 100 ग्रॅमचा दर 12500 रुपयांनी वाढला आहे. तर, एका तोळ्याच्या सोन्याच्या दरात 1250 रुपयांची वाढ झाली आहे. 22 कॅरेट सोन्याच्या 10 तोळ्याचा दर 10,90,000 रुपये इतका आहे. तर, एका तोळ्याचा दर 119000 रुपये आहे. तर, एका तोळ्याचा दर 11900 रुपये इतका आहे.

18 कॅरेट सोन्याचा एका तोळ्याचा दर 1030 रुपयांनी वाढून 97370 रुपयांवर पोहोचला. 10 तोळ्याच्या दरात 10300 रुपयांची वाढ झाली. 10 तोळे  18 कॅरेट सोन्यासाठी 973700 रुपये मोजावे लागतील.

Silver Rate : चांदीच्या दराची काय स्थिती?

सोन्याप्रमाणं चांदीच्या दरात देखील वाढ झाली आहे. चांदीचे दर 9000 रुपयांनी वाढले आहेत. एक किलो चांदीचा दर 185000 रुपयांवर पोहोचला आहे. 100 ग्रॅम चांदीसाठी 18500 तर 10 ग्रॅम चांदीसाठी 1850 रुपये मोजावे लागतील.

दरम्यान, 2025 मध्ये सोने आणि चांदीमध्ये गुंतवणूक करणाऱ्यांना चांगला परतावा मिळाला आहे. सोन्याचे दर 75 हजार रुपयांवरुन 1 लाख 30 हजार रुपयांपर्यंत पोहोचले आहेत. बाजारातील अनिश्चिततेच्या काळात सोन्यातील गुंतवणूक वाढत असल्याचं पाहायला मिळतं.

आणखी वाचा