ठेकेदाराच्या नावे 111 कोटींची अनामत रक्कम लाटण्याचा डाव फसला, माजी नगराध्यक्षाला बेड्या; ऐन निव

पालघर क्राईम न्यूज: सार्वजनिक बांधकाम विभागाच्या (PWD) जव्हार कार्यालयात तब्बल 111 कोटी 63 लाख रुपयांची सुरक्षा अनामत रक्कम बँकेतून काढण्याचा मोठा डाव अखेर बँक कर्मचाऱ्याच्या जागरूकतेमुळे फसला आहे. ओवी कन्स्ट्रक्शन या ठेकेदाराच्या नावाने रक्कम हस्तांतरित करण्याची प्रक्रिया सुरू असताना बँकेला संशय आला आणि तातडीने चौकशी केली असता हा कथित घोटाळा उघडकीस आला.

स्टेट बँक ऑफ इंडिया, जव्हार शाखेत हा चेक जमा झाला होता. मात्र इतक्या प्रचंड रकमेसाठी डिमांड ड्राफ्ट काढण्याचा प्रयत्न होत असल्याचे पाहून बँक कर्मचाऱ्यांना संशय आला. त्यांनी तत्काळ सार्वजनिक बांधकाम विभागाशी संपर्क साधून पडताळणी केली. चौकशीअंती PWD अधिकाऱ्यांनी असा चेक दिल्याचे नाकारले आणि कोणताही डीडी काढू नये असे स्पष्ट निर्देश दिल्यानंतर बँकेने तातडीने व्यवहार थांबवला.

Palghar Crime News: माजी नगराध्यक्षाला अटक

या प्रकरणातील मुख्य आरोपी म्हणून ओवी कन्स्ट्रक्शनचे संचालक आणि जिजाऊ संघटनेचे नेते, तसेच विक्रमगड नगरपंचायतीचे माजी नगराध्यक्ष निलेश (पिंका) पडवळे यांना पालघर पोलिसांनी ठाणे येथून अटक केली आहे. या संपूर्ण प्रकरणात PWD मधील काही अधिकारी आणि कर्मचारी ठेकेदारासोबत संगनमत करून सरकारला कोट्यवधी रुपयांचा तोटा पोहोचवण्याचा प्रयत्न करत असल्याचा आरोप आहे.

Palghar Crime News: गैरप्रकाराची चौकशी सुरू

पालघरचे पोलीस अधीक्षक यतीश देशमुख यांनी या गैरप्रकाराची चौकशी सुरू असल्याचे सांगितले. प्रकरण गंभीर असल्याने सर्व आर्थिक कागदपत्रे आणि संबंधित खात्यांची तपासणी पोलिसांकडून सुरू आहे. दरम्यान, विक्रमगडचे भाजप आमदार हरिश्चंद्र भोये यांनी हा मुद्दा आगामी हिवाळी अधिवेशनात उचलून धरला जाईल, तसेच PWD मधील मागील काळातील सर्व आर्थिक व्यवहारांची चौकशी व्हावी, अशी मागणी करणार असल्याचे स्पष्ट केले.

Palghar Crime News: PWD मधील अनामत रकमेच्या व्यवहारावर प्रश्नचिन्ह

जव्हार सार्वजनिक बांधकाम विभागात दरवर्षी मोठ्या प्रमाणावर ठेकेदारांमार्फत कामे केली जातात. या कामांवरून 1 ते 5 टक्क्यांपर्यंत सिक्युरिटी डिपॉझिट म्हणून मोठ्या रकमा विभागाकडे जमा होतात. नियमानुसार ही रक्कम तीन वर्षांपर्यंत काढता येत नाही. ठेकेदार बदलणे, एजन्सी व प्रत्यक्ष काम करणारे वेगळे असणे अशा कारणांमुळे या रकमा अनेक वर्षे न उचलता शिल्लक राहतात. याच जमा रकमेचा गैरफायदा घेत, विभागातील काही कर्मचारी आणि संबंधित ठेकेदारांनी 111 कोटी 63 लाख रुपयांचा डीडी काढण्याचा कट रचल्याचा अंदाज पोलिसांकडून व्यक्त केला जात आहे. विभागातील एका कर्मचाऱ्याने बँकेत चेक जमा करून मोठी रक्कम हस्तांतरित करण्याची कारवाई सुरू केली होती. मात्र बँक अधिकारी प्रत्यक्ष PWD कार्यालयात पोहोचले आणि विचारणा केली असता हा चेक अधिकृत नसल्याचे स्पष्ट झाले. यामुळे हा गंभीर गैरप्रकार उघडकीस आला.

आणखी वाचा

Palghar News: सात कोटी बाजार मूल्य असलेल्या सहकारी संस्थेच्या जमिनीची केवळ 70 लाखांना विक्री, सहाय्यक निबंधकांचं पालघर पोलिसांना पत्र

आणखी वाचा