हल्ली बहुंताश वेळ आपण मोबाईल, लॅपटॉप आणि टिव्ही स्क्रीनकडे पाहण्यात घालवतो. कित्येकजणांचे डेस्क जॉब असल्याने दिवसातील आठ ते दहा तास स्क्रीनसमोर बसूनच काम करावे लागत आहे. कोरोनाकाळापासून अनेक शाळा-कॉलेजचे लेक्चर्स सुद्धा ऑनलाईन सुरु झालेत. पण, तज्ज्ञांच्या मते जास्तीचा स्क्रीनटाईम डोळ्यांचा नंबर वाढवू शकतो. याबाबत ज्येष्ठनेत्ररोगतज्ज्ञ डॉ. तात्याराव लहाने यांनी ‘नॉलेज कट्टा’ या विशेष कार्यक्रमात वाढता स्क्रीनटाईम डोळ्यांसाठी किती घातक आहे यावर मोलाचा सल्ला दिला आहे.
डॉ. तात्याराव लहाने सांगतात की, मोबाईलमुळे होणारे नुकसान आपण टाळू शकत नाही. जेव्हा आपण मोबाईल वापरतो तेव्हा त्यातील ब्लू लाईट आपल्या डोळ्यांत जाते. मोबाईलमुळे डोळ्यांचे होणारे पहिले नुकसान म्हणजे डोळे कोरडे होणे. दुसरं म्हणजे डोळ्यांचा नंबर वाढणे. वाढत्या स्क्रीनटाईममुळे डोळ्यांचा नंबर नैसर्गिकपणे जेवढा वाढतो त्याच्या दुप्पटीने वाढतो.
याबाबत विस्तृतपणे सांगताता डॉ. तात्याराव लहाने म्हणतात की, ज्यांचा स्क्रीनटाईम दोन, चार अगदीच सहा तास आहे अशा व्यक्तीचा डोळ्यांचा नंबर दरवर्षी एक नंबरने वाढतो. ज्यांचा स्क्रीनटाईम सहा तासांपेक्षा अधिक आहे त्यांचा नंबर दीड नंबरने वाढतो, आठ तासांचा स्क्रीनटाईम असेल तर डोळ्यांचा नंबर दोनने वाढतो. काही वर्षांआधी डोळ्यांचा नंबर शरीराची वाढ थांबल्यानंतर चष्म्याचे नंबर वाढत नव्हते. पण, आता हेच नंबर फक्त मोबाईलच्या स्क्रीनटाईममुळे वयाच्या 60 व्या वर्षांपर्यंत वाढत आहेत.
हेही वाचा – Protein Powder : वर्कआऊट करणाऱ्यांना प्रोटीन पावडरची गरज असते का?
Comments are closed.