अकोट आणि तेल्हारा नगरपालिकेत भ्रष्टाचार, भाजपची सत्ता असलेल्या नगरपालिकांवर शिंदेंचा आरोप

मराठी : पायलटने अंधारामुळं हेलिकॉप्टर उडवण्यास नकार दिल्याने एकनाथ शिंदेंना अकोला जिल्ह्यातील हिवरखेड येथे होणारी सभा रद्द करावी लागली. यानंतर एकनाथ शिंदे यांनी फोनवरुन सभेला संबोधित केले. यावेळी त्यांनी मतदारांना सत्ता देण्याचे आवाहन केलं आहे. भाजपची सत्ता असलेल्या अकोट, तेल्हारा नगरपालिकेत भ्रष्टाचार झाल्याचा आरोपही एकनाथ शिंदे यांनी केला.

सभा रद्द झाल्यामुळे अखेर एकनाथ शिंदे यांनी फोनवरून सभेला संबोधित केलं

अकोला जिल्ह्यातील हिवरखेड येथे आज एकनाथ शिंदे यांची सभा रद्द करावी लागली. उदगीर येथील सभा आटोपून एकनाथ शिंदे अमरावती पोहोचले होतेय. तिथून ते  हेलिकॉप्टरने हिवरखेडला येणार होते. मात्र, अंधार झाल्यामुळे हेलिकॉप्टर पायलटने उड्डाण भरण्यास स्पष्टपणे नकार दिला. त्यामुळे एकनाथ शिंदेंना हिवरखेडची सभा रद्द करत माघारी फिरावे लागले. आज एकनाथ शिंदे यांची हिवरखेड येथे अकोला जिल्ह्यातील पाच नगरपालिका आणि एका नगरपंचायतीसाठी सभा होती. यासाठी सभा असलेल्या हिवरखेड मध्ये शिवसेनेने जोरदार तयारी केली होती. मात्र, सभा रद्द झाल्यामुळे अखेर एकनाथ शिंदे यांनी फोनवरून सभेला संबोधित केलं. यावेळी त्यांनी जिल्ह्यातील सर्व नगरपालिकांमध्ये शिवसेनेला सत्ता देण्याचा आवाहन मतदारांना केलं आहे.

दरम्यान, या सभेत बोलतांना एकनाथ शिंदे यांनी जिल्ह्यातील या आधीच्या काळात मोठा भ्रष्टाचार झाल्याचा आरोप केला आहे.  अकोट, तेल्हारा या दोन्ही नगरपालिका भाजपच्या ताब्यात होत्या. त्यामुळे एकनाथ शिंदे यांनी थेट भाजपची सत्ता असलेल्या नगरपालिकांवर भ्रष्टाचाराचा आरोप करत एकप्रकारे भाजपवर हल्ला चढवलाय. त्यामुळं आता भाजपचे नेते या टीकेला नेमकं काय प्रत्युत्तर देणार हे पाहणं देखील महत्वाचं ठरणार आहे.

भाजपची सत्ता असलेल्या अकोट, तेल्हारा नगरपालिकेत भ्रष्टाचार झाल्याचा आरोप

भाजपची सत्ता असलेल्या अकोट, तेल्हारा नगरपालिकेत भ्रष्टाचार झाल्याचा आरोप एकनाथ शिंदे यांनी केला आहे. तिन्ही लाडक्या बहिणींना नगराध्यक्ष करा, एकनाथ शिंदे यांचा मतदारांना आवाहन केले आहे. आपल्याला तिन्ही नगरपालिकावरील भ्रष्टाचार राज संपवायच आहे असे म्हणत शिंदेंनी भाजपाला टोला लगावला. (दरम्यान, अकोट आणि तेल्हारा नगरपालिकेत होता भाजपचा नराध्यक्ष आहे) शिवसेनेला विजय करा, तिन्ही नगरपालिकेला नगर विकास खात्यातून पाहिजे तेवढा निधी देऊ, असा शब्द उपमुख्यमंत्री एकनाथ शिंदेंनी मतदाराला दिली आहे.

महत्वाच्या बातम्या:

जो भी है देवाभाऊ ही है, नंबर दोनला काही किंमत नसते, मंत्री रवींद्र चव्हाणांचा रोख नेमका कुणाकडे?

आणखी वाचा