फाफ डु प्लेसिसने पीएसएलमध्ये खेळण्याचा निर्णय घेतला नवी दिल्ली : दक्षिण आफ्रिकेचा अनुभवी फलंदाज फाफ डु प्लेसिसनं 2026 च्या आयपीएलच्या ऑक्शनमधून बाहेर पडण्याचा निर्णय घेतला आहे. आयपीएलचे सलग 14 हंगाम वेगवेगळ्या संघांकडून खेळल्यानंतर फाफ डु प्लेसिसनं नवं आव्हान स्वीकारत असल्याचं जाहीर केलं. मी पुन्हा येईन म्हणत फाफ डु प्लेसिसनं 2026 मध्ये पाकिस्तान सुपर लीगमध्ये खेळणार असल्याचं जाहीर केलं.
फाफ डु प्लेसिसनं 2012 मध्ये चेन्नई सुपर किंग्जकडून पहिल्यांदा आयपीएलमध्ये पदार्पण केलं होतं. त्या हंगामात फाफनं 398 धावा केल्या होत्या. 2021 पर्यंत तो चेन्नई सुपर किंग्जकडून खेळत होता. फाफ डु प्लेसिस चेन्नई सुपर किंग्जमध्ये असताना चेन्नईनं 2018 आणि 2021 विजेतेपद मिळवलं होतं.
2020-2024 या मधील आयपीएलच्या पर्वात फाफ डु प्लेसिसनं दमदार कामगिरी केली होती. 2023 मध्ये फाफ डु प्लेसिस रॉयल चॅलेंजर्स बंगळुरुमध्ये दाखल झाला. तर, 2025 च्या हंगामात फाफ डु प्लेसिस दिल्ली कॅपिटल्सकडून खेळला. तिथं त्यानं 202 धावा केल्या.
फाफ डु प्लेसिसनं काय म्हटलं?
आयपीएलचे 14 हंगाम खेळल्यानंतर मी निर्णय घेतलाय की यंदाच्या ऑक्शनमध्ये नाव द्यायचं नाही. हा खूप मोठा निर्णय आहे. जेव्हा मागं वळून पाहतो तेव्हा खूप कृतज्ञता वाटते.
इंडियन प्रीमिअर लीग माझ्या प्रवासातील महत्त्वाचा भाग आहे. जागतिक दर्जाच्या सहकाऱ्यांसह, अप्रतिम फ्रँचायजीजसाठी आणि चाहत्यांसमोर खेळता आलं. भारतानं मला फ्रेंडशिप दिली, शिकायला मिळालं, आठवणी मिळाल्या ज्यामुळं क्रिकेटर आणि व्यक्ती म्हणून घडत गेलो, असं फाफ डु प्लेसिसनं म्हटलं.
प्रत्येक प्रशिक्षक, संघातील सहकारी, सपोर्ट स्टाफ, आणि इतकी वर्ष पाठिंबा देणारे चाहते या सर्वांचे आभार मानतो. 14 वर्ष हा खूप मोठा काळ असतो. मला याचा अभिमान आहे. भारतासाठी माझ्या ह्रदयात महत्त्वाचं महत्त्वाचं स्थान आहे आणि हे गुड बाय नाही, तुम्ही पुन्हा मला पाहू शकाल, असं म्हणत फाफ डु प्लेसिसनं पुन्हा आयपीएलमध्ये खेळणार असल्याचं सांगितलं.
फाफ डु प्लेसिस पुढं म्हणतो, मी यंदा नवं आव्हान स्वीकारण्याचा निर्णय घेतलाय.आगामी पीएसलच्या हंगामात खेळणार असल्याचं त्यानं म्हटलं.
दरम्यान, फाफ डु प्लेसिसनं आयपीएलमध्ये 154 सामने खेळले. या मॅचेसमध्ये त्यानं 4773 धावा केल्या.
#PSLNewEra pic.twitter.com/Vqo8fFUjOs
— फाफ डु प्लेसिस (@faf1307) 29 नोव्हेंबर 2025
आणखी वाचा
Comments are closed.