अपमान झाल्यानंतर सौरव गांगुली यांची पत्नी पोहोचली पोलीस ठाण्यात, जाणून घ्या संपूर्ण प्रकरण

सौरव गांगुलीची पत्नी डोना गांगुली सध्या चर्चेत आहेत. डोना गांगुली यांनी सोशल मीडियावर त्यांच्या विरुद्ध अपमानास्पद वागणुकीसंदर्भात पोलीसात तक्रार नोंदवली आहे. डोना यांनी ठाकुरपुकुर पोलीस स्टेशनमध्ये आपली औपचारिक तक्रार नोंदवली असून, त्यानंतर पोलीस अधिकाऱ्यांनी अज्ञात व्यक्तींच्या विरोधात तपास सुरू केला आहे.

पीटीआयच्या माहितीनुसार, कोलकाता चित्रपट महोत्सवात डोना गांगुलीच्या नृत्य सादरीकरणादरम्यान अपमानजनक पोस्ट समोर आल्या. तक्रारीत विशेषतः एका फेसबुक पेजकडे लक्ष वेधण्यात आले आहे, ज्याने डोना गांगुलीला लक्ष्य केले होते. डोना गांगुलीच्या तक्रारीनंतर अधिकाऱ्यांनी सांगितले की, डोना यांनी या कृत्यांना अपमानजनक मानले आहे आणि असे पोस्ट करण्याचा उद्देश त्यांच्या सन्मानाला हानी पोहोचवण्याचा होता, असे नमूद केले आहे. याशिवाय, डोना गांगुली यांनी फेसबुक पेजशी संबंधित मोबाइल नंबरसह अपमानजनक पोस्टचे स्क्रीनशॉट्सही पोलीसांसोबत शेअर केले आहेत.

डोना गांगुलीच्या तक्रारीनंतर पोलीस तपासात लागली आहे. अधिकाऱ्यांनी सांगितले की, आम्ही पोस्ट आणि संबंधित मोबाइल नंबरचा शोध घेऊन गुन्हेगारांची ओळख पटवण्याचा प्रयत्न करत आहोत. सौरव गांगुली अलीकडेच वुमेन्स प्रीमियर लीग 2026 च्या मेगा ऑक्शनमध्ये दिल्लीच्या ऑक्शन टेबलवर दिसले होते. त्यांनी खेळाडूंवर लिलावही केला होता.

53 वर्षीय सौरव गांगुलीने भारतासाठी 113 कसोटी सामने खेळून 42.17 च्या सरासरीने 7212 धावा केल्या आहेत. त्यांनी 16 शतकांसोबत 35 अर्धशतकही आपल्या नावावर केली आहेत. त्याशिवाय 311 वनडे सामने खेळत त्यांनी 11363 धावा कमावल्या आहेत. क्रिकेटपासून निवृत्तीच्या नंतर, दादा कोचिंग आणि कमेंट्री करतानाही दिसले आहेत. सध्या ते बंगाल क्रिकेट असोसिएशनच्या सचिव पदावर कार्यरत आहेत.