अमित देशमुख : काँग्रेसची (Congress) विचारधारा ही सर्व धर्म समभावाची आहे तर भाजपची विचारधारा ही सर्वधर्म भेदभावाची आहे, असं म्हणत काँग्रेस आमदार अमित देशमुख (Amit Deshmukh) यांनी भाजपवर टीका केली. पक्ष फोडले आमदार फोडले आता मतदारांना पैशाचे आमिष दाखवून फोडण्याचा प्रयत्न केला जात आहे. मराठवाडा ही संतांच भूमी म्हणून ओळखली जायची पण आता सैतानाची भूमी म्हणून ओळख निर्माण होत असल्याचे देशमुख म्हणाले.
सरकारमध्ये सहभागी झालेल्यांकडे कसल्याही प्रकारचा विचार नाही
काँग्रेसची विचारधारा ही सर्वधर्म समभावाची आहे, तर भाजपचची विचारधारा ही सर्वधर्म भेदभावाची आहे. या सरकारमध्ये सहभागी झालेल्यांकडे कसल्याही प्रकारचा विचार नाही. त्यांचा एकच विचार आहे तो म्हणजे महाराष्ट्राची तिजोरी महायुतीतील तीन पक्षांपैकी एक जण म्हणतो की तिजोरीच्या चाव्या माझ्याकडे आहेत तर दुसरा म्हणतो की तिजोरीचे मालक आम्ही आहोत तर तिसरा म्हणतो की तिजोरी मध्ये असलेला पैसाच माझ्याकडे आहे. या भाजपने आतापर्यंत पक्ष फोडले पैशाचे अमिष दाखवून आमदार फोडले आता या निवडणुकीमध्ये थेट मतदारांना पैशाचे आमिष दाखवले जात आहे पैशाचे आमिष दाखवून मतदारांना फोडण्याचा प्रयत्न सध्या चालू असल्याचे अमित देशमुख म्हणाले. पण मतदार राजा हा पैशाच्या आमिषाला बळी पडणार नाही, दोन तारखेला भाजपला दाखवून द्या की मतदार किती स्वाभिमानी आहे, असे म्हणत माजी मंत्री तथा काँग्रेसचे नेते अमित देशमुख यांनी भाजप सह त्यांच्या मित्र पक्षावर कडाडून टीका केली.
अमित देशमुख यांनी सरकारवर जोरदार प्रहार केला
परभणीच्या गंगाखेड मधील काँग्रेसच्या नगराध्यक्ष पदाच्या उमेदवार उजमा माईन युनूस शेख यांच्या प्रचारार्थ आयोजित जाहीर सभेत बोलताना अमित देशमुख यांनी सरकारवर जोरदार प्रहार केला आहे. या सभेला काँग्रेसच्या पदाधिकाऱ्यांसह नेतेही मोठ्या संख्येने उपस्थित होते. मराठवाडा ही संतांची भूमी म्हणून ओळखली जात होती याच मराठवाड्यामधून गोदावरी नदी वाहते पण आता मराठवाडा ही सैतानाची भूमी म्हणून ओळखू लागली आहे. राम तेरी गंगा मैली हो गई पापियों के पाप धोते धोते अशीच काहीशी स्थिी या मराठवाड्यातून वाहणाऱ्या गोदावरी नदीची झाली आल्याचेही अमित देशमुख यावेळी म्हणाले.
महत्वाच्या बातम्या:
पैसे दिले तर काजू, किसमिस म्हणून खाऊन घ्यायचे,धनुष्यबाणाचे बटन दाबायचे; आमदार सत्तारांचे मतदारांना आवाहन
आणखी वाचा
Comments are closed.