IND vs SA: रांची वनडे सामन्याआधी रोहित-विराटबद्दल नेमकं काय म्हणाला आफ्रिका कर्णधार टेंबा बावुमा? जाणून घ्या सविस्तर

टीम इंडियाच्या (Team india) विरोधात कसोटी मालिकेत विजय मिळाल्यानंतर दक्षिण आफ्रिकेच्या टीमचा आत्मविश्वास वाढलेला आहे. वनडे मालिकेतही ते त्यांच्या स्टाईलमध्येच खेळताना दिसतील. पण रोहित शर्मा आणि विराट कोहली (Rohit Sharma & Virat Kohli) यांच्या टीममध्ये परत येण्याने टीम इंडिया अधिक मजबूत दिसत आहे.

सामन्यापूर्वीच्या प्रेस कॉन्फरन्समध्ये या विषयावर दक्षिण आफ्रिकेच्या कर्णधार टेम्बा बावुमाला (Temba Bavuma) विचारले असता, त्याने आश्चर्यकारक उत्तर दिले, जे आता चर्चेचा विषय बनले आहे.

दिग्गज रोहित शर्मा आणि विराट कोहली अनेक वर्षांनंतर वनडे फॉरमॅटमध्ये परत येत आहेत. त्यामुळे टीम इंडिया अधिक मजबूत दिसत आहे. याबाबत टेम्बा बावुमाला विचारले असता त्याने सांगितले, मला वाटते ही खूप रोमांचक गोष्ट आहे. भारतीय चाहत्यांसाठी हे खूप रोमांचक आहे. दोन दिग्गज परत येत आहेत. जेव्हा हे दोन मोठे खेळाडू असतील, तेव्हा त्याभोवती असलेली वेगळी ऊर्जा अनुभवणे आमच्यासाठी रोमांचक आहे. हे काहीतरी असे आहे ज्याची आम्ही अपेक्षा करत होतो. मला वाटते की इतर कोणत्याही खेळाडूसारखे आम्हीही त्यांच्यासाठी तयारी करू. जी रणनीती आमच्याकडे असेल, आम्ही ती फॉलो करू. ऊर्जा वेगळी असेल हे माहित आहे, पण हे रोमांचक ठरेल.

कसोटी मालिकेत टेम्बा बावुमाचे प्रदर्शन अत्यंत उत्कृष्ट होते. त्यामुळे तो हाच फॉर्म आता वनडे मालिकेतही कायम ठेवू इच्छित आहे. याबाबत त्याने सांगितले,
कर्णधार म्हणून मला वाटत नाही की माझ्या टीमसाठी खूप काही बदल होईल. आपण फलंदाजी प्रदर्शन करायचे, मैदानावर रणनीतीनुसार खेळाडूंना मार्गदर्शन करायचे. त्यामुळे मला वाटत नाही की खूप काही बदल होईल.