IND vs SA: जसप्रीत बुमराहचा ऐतिहासिक पराक्रम! कपिल देव- अनिल कुंबळे आणि आर अश्विन यांच्या खास क्लबमध्ये सामील

भारतीय वेगवान गोलंदाज जसप्रीत बुमराहने (Jasprit Bumrah) दक्षिण आफ्रिकेविरुद्ध ईडन गार्डन्स येथे सुरू असलेल्या पहिल्या कसोटीच्या पहिल्या डावात 5 विकेट घेतल्या. कसोटी इतिहासात ही 16वी वेळ आहे की बुमराहने एका डावात 5 किंवा त्याहून अधिक विकेट घेतल्या. यामुळे बुमराह भारतासाठी कसोटी क्रिकेटमध्ये एका डावात सर्वाधिक 5 विकेट घेणाऱ्या गोलंदाजांच्या यादीत संयुक्त पाचव्या स्थानावर पोहोचला आहे.

बुमराहने 51 कसोटीमध्ये 16 वेळा हा पराक्रम केला आहे. भागवत चंद्रशेखर यांनी 58 कसोटी सामन्यांत 16 वेळा पाच विकेट घेतल्या होत्या.

या यादीत रविचंद्रन अश्विन अव्वल आहे. त्याने 106 कसोटीमध्ये तब्बल 37 वेळा एका डावात 5 विकेट घेतल्या. अनिल कुंबळे यांनी 132 कसोटीमध्ये 35 वेळा हा विक्रम केला आहे.

भारतासाठी सर्वाधिक 5 विकेट घेणारे गोलंदाज:

37 – आर. अश्विन (106 कसोटी)

35 – अनिल कुंबळे (132 कसोटी)

२५ – हरभजन सिंग (१०३ कसोटी)

23 – कपिल देव (131 कसोटी)

16 – जसप्रीत बुमराह (51 कसोटी)

तिसऱ्या स्थानावरील हरभजन सिंह यांनी 103 कसोटीत 23 वेळा पाच बळी घेतले, तर कपिल देव यांनी 131 कसोटीमध्ये 23 वेळा हे यश मिळवले आहे.

जसप्रीत बुमराह 2019 मध्ये बांग्लादेशविरुद्ध या मैदानावर झालेल्या डे-नाइट कसोटीत इशांत शर्मानंतर, भारतातच कोणत्याही कसोटीच्या पहिल्या दिवशी 5 विकेट घेणारा पहिला भारतीय वेगवान गोलंदाज आहे. कसोटीत ही कामगिरी करणारा शेवटचा गोलंदाज डेल स्टेन होते, ज्यांनी 2008 मध्ये अहमदाबादमध्ये हा पराक्रम केला होता.

ईडन गार्डन्स कसोटी – पहिल्या दिवसाचा खेळ

टॉस जिंकून फलंदाजीला उतरलेल्या दक्षिण आफ्रिकेची पहिली डावात केवळ 159 धावांवर पडझड झाली.
या डावात एडेन मार्करमने सर्वाधिक 31 धावा केल्या, तर वियान मुल्डर आणि टोनी डी जोरजी यांनी 24-24 धावा जोडल्या.

भारताकडून जसप्रीत बुमराहने14 षटकांत 27 धावा, 5 विकेट, मोहम्मद सिराज 2 विकेट, कुलदीप यादव 2 विकेट, अक्षर पटेल 1 विकेट घेतल्या.