शेफ विष्णू मनोहर स्पेशल रेसिपी! घरच्या घरी बनवा सोप्या पद्धतीने क्रिस्पी चटपटीत मसाला पापड, जाणून घ्या ट्रिक्स

लहानांपासून मोठ्यांपर्यंत सर्वांनाच पापड खायला आवडतात. जेवणाच्या ताटात नेहमी पापड असतो. याशिवाय हॉटेलमध्ये गेल्यावर नेहमी मसाला पापड ऑर्डर केला जातो. वेगवेगळे मसाले आणि कांदा टोमॅटो वापरून बनवलेला मसाला पापड खूप चवदार लागतो. याशिवाय हॉटेलमध्ये बनवलेला पापड अजिबात वाकडा नसतो. पण घरी बनवताना पापड पूर्ण दुमडला जातो. जेणेकरून कांदा टोमॅटो त्यावर टिकत नाही. म्हणूनच आज आम्ही तुम्हाला प्रसिद्ध शेफ विष्णू मनोहर यांच्या मसाला पापड बनवण्याच्या काही सोप्या युक्त्या सांगितल्या आहेत. या ट्रिक्स फॉलो करून तुम्ही मसाला पापड बनवू शकता. कमीत कमी साहित्यात आणि कमी वेळात बनवलेले झटपट पदार्थ सगळ्यांनाच आवडतात. चला तर मग जाणून घेऊया मसाला पापड बनवण्याची सोपी रेसिपी. (छायाचित्र सौजन्य – istock)

जर तुम्हाला आंबवलेले पदार्थ खाऊन कंटाळा आला असेल तर मसोर डाळ क्रिस्पी डोसा नाश्त्यासाठी सोप्या पद्धतीने बनवा.

साहित्य:

• पापड
• लाल मिरची
• हळद
• चाट मसाला
• काकडी
• कांदा टोमॅटो
• मीठ
• लिंबाचा रस
• बारीक शेव

संकष्टी स्पेशल : तेच कंटाळवाणे पदार्थ सोडा, या वर्षी बनवा चविष्ट बटाटा पॅटीज

कृती:

• मसाला पापड बनवण्यासाठी सर्वप्रथम एक रुंद तवा घ्या आणि त्यात तेल गरम करून पापड तळून घ्या. त्यानंतर तेल व्यवस्थित तापल्यावर त्यात पापड घालून कुरकुरीत होईपर्यंत तळा.
• एका भांड्यात कांदा आणि टोमॅटो, काकडी घेऊन नीट मिक्स करा. यानंतर मिक्स केलेल्या भाज्या एका सुती कपड्यात घालून त्यातील पाणी काढून टाका.
• नंतर पुन्हा एकदा एका भांड्यात कांदा, टोमॅटो आणि काकडी घेऊन त्यात चवीनुसार मीठ, तिखट, हळद आणि चाट मसाला घालून मिक्स करा.
• तळलेले पापड एका प्लेटमध्ये घ्या आणि त्यात बारीक चिरलेला कांदा आणि टोमॅटो पसरवा. त्यानंतर वर चाट मसाला घालून लिंबाचा रस पसरवा.
• तयार आहे स्वादिष्ट कुरकुरीत मसाला पापड सोप्या पद्धतीने.
• मसाला पापड लवकर भिजू नये म्हणून कांदा टोमॅटोमधून पाणी काढून टाका. या पद्धतीने मसाला पापड बनवल्यास चवीला सुंदर लागते.