भारत आणि दक्षिण आफ्रिका वनडे सामन्याचं लाईव्ह स्ट्रीमिंग मोफत कसं पाहायचं? जाणून घ्या

IND vs SA लाइव्ह स्ट्रीमिंग रांची: भारत आणि दक्षिण आफ्रिका यांच्यातील वनडे मालिका उद्यापासून सुरु होत आहे. पहिली वनडे मॅच उद्या (30 नोव्हेंबर) रांचीमध्ये होणार आहे. कसोटी मालिकेत दक्षिण आफ्रिकेकडून भारताला दोन्ही सामन्यांमध्ये पराभव स्वीकारावा लागला होता. त्या पराभवाची परतफेड करण्याच्या इराद्यानं टीम इंडिया मैदानात उतरेल. भारताचा नियमित कॅप्टन शुभमन गिल दुखापतग्रस्त असल्यानं वनडे मालिकेत केएल राहुलकडे कर्णधारपदाची जबाबदारी सोपवण्यात आली आहे. विशेष म्हणजे या मालिकेत रोहित शर्मा आणि विराट कोहली भारतीय संघात असतील. दोघेही बऱ्याच कालावधीनंतर टीम इंडियाकडून भारतात खेळताना पाहायला मिळतील.

भारत आणि दक्षिण आफ्रिका यांच्यातील पहिली वनडे रांचीच्या JCSA आंतरराष्ट्रीय मैदानावर होणार आहे. ही मॅच भारतीय प्रमाण वेळेनुसार दुपारी दीड वाजता सुरु होईल. त्यापूर्वी 1 वाजता दोन्ही संघाचे कॅप्टन टॉससाठी मैदानात येतील.

लाईव्ह स्ट्रीमिंग कुठं होणार?

भारत आणि दक्षिण आफ्रिका यांच्यातील वनडे मालिकेतील पहिल्या मॅचचं लाई्व्ह स्ट्रीमिंग स्टार स्पोर्टसच्या विविध चॅनेलवरुन केलं जाणार आहे. तर, मोबाईलवर मॅच पाहायची असल्यास जिओ हॉटस्टार ॲपवर पाहता येणार आहे. त्यासाठी तुम्ही या ॲपचं सबस्क्रीप्शन घेतलेलं असणं आवश्यक आहे.

लाईव्ह स्ट्रीमिंग मोफत कुठं होणार?

भारत आणि दक्षिण आफ्रिका यांच्यातील वनडे मालिकेतील सामने डीडी स्पोर्टसवर मोफत पाहता येतील.

दरम्यान, भारताच्या वनडे संघाला ऑस्ट्रेलियाविरुद्ध झालेली मालिका गमवावी लागली होती. आता भारतात दक्षिण आफ्रिकेविरुद्ध तीन सामन्यांची मालिका होत आहे. या मालिकेत भारतीय संघ विजय मिळवणार का ते पाहावं लागेल. विशेष बाब म्हणजे भारताचा नियमित कर्णधार शुभमन गिल आणि उपकर्णधार श्रेयस अय्यर दोघेही दुखापतग्रस्त आहेत. त्यामुळं कर्णधारपद केएल राहुल याच्याकडे देण्यात आलं आहे. केएल राहुल 2023 पर्यंत भारताच्या कसोटी, टी 20 आणि वनडे संघाचा उपकर्णधार होता.

भारताचा संघ :

रोहित शर्मा, यशस्वी जयस्वाल, विराट कोहली, तिलक वर्मा, केएल राहुल (कॅप्टन), रिषभ पंत, वाशिंगटन सुंदर, रवींद्र जडेजा, कुलदीप यादव, नितीश कुमार रेड्डी, हर्षित राणा, ऋतुराज गायकवाड़, प्रसिद्ध कृष्णा, अर्शदीप सिंग, ध्रुव जुरेल

दक्षिण आफ्रिकेचा संघ :

टेम्बा बावुमा (कर्ंधर), ओटनिएल बार्टमन, कॉर्बिन बॉश, मॅथ्यू ब्रेत्झके, डेवाल्ड ब्रेविस, नँद्रे बर्जर, क्विंटन डी कॉक, टोनी डी जोर्झी, रुबिन हरमन, केशव महाराज, मार्को जॅनसेन, एडन मार्कराम, लुंगी एनगिडी, रायन सुबरेन, प्रिलटन.

आणखी वाचा