भाजपचा एखादा नगरसेवक निवडून आला तर खूप झालं; जळगावात भाजप अन् शिवसेनेत जुंपली, नेते आमने-सामने

जळगाव : राज्यातील काही नगरपालिकांमध्ये शिवसेना महायुतीमध्ये गडबड झाल्याने स्थानिक स्तरावर निर्णय घेऊन भाजप विरुद्ध शिवसेना (Shivsena) असाच सामना रंगला आहे. त्यामध्ये, जळगाव (Jalgaon) जिल्ह्यातही राजकीय वातावरण तापले असून भाजप आणि शिवसेना नेते आमने-सामने आले आहेत. दोन नंबर धंदे करणारा आमचा एक जरी उमेदवार उभा असेल तर त्यांनी नाव घेऊन सांगावं, मी समोरच्याला बिनविरोध करेल. खोटं बोलायचं, लोकांची बदनामी करायचं हे काम भाजप करत आहे, अशा शब्दात शिवसेना शिंदे गटाचे आमदार किशोर पाटील यांनी भाजप प्रदेशाध्यक्ष रवींद्र चव्हाण यांना प्रत्युत्तर दिले.

जळगावातील भाजप आमदार किशोर पाटील यांनी भाजप प्रदेशाध्यक्षांच्या वक्तव्यावरुन पटलवार केला. तसेच, भाजप आमदार मंगेश चव्हाण यांच्यावरही बोचरी टीका केली. आमचा एकही नगरसेवक निवडून येणार नाही असे म्हणणे म्हणजे सूर्यावर थुंकण्यासारखं सारख आहे. भाजपचा एखादा नगरसेवक निवडून आला तर खूप झालं. माझं भाजपला चॅलेंज आहे, भडगाव, पाचोरा या दोन्ही नगरपालिकेवर शिवसेनेचाच भगवा फडकेल. रवींद्र चव्हाण यांनी युती टिकवायची की नाही, हा महाराष्ट्राचा विषय आहे. परंतु, युती टिकवायची नाही हे मी 1 नोव्हेंबरलाच जाहीर केलेलं आहे, असे म्हणत किशोर पाटील यांनी भाजपवर जोरदार हल्लाबोल केला. गद्दारांशी दोस्ती करून पाठीत खंजीर खुपसून घेण्यापेक्षा एकदा दूध का दूध पाणी का पाणी होऊन जाऊ द्या, असेही त्यांनी म्हटले.

चाळीसगाव नगर परिषदेत शिवसेनेचे शिंदे गटाचे जे उमेदवार उभे आहेत, त्यांना महाविकास आघाडीकडून उभं करण्याचा माझा प्रयत्न होता. मी माझ्या लोकांच्या विरोधात चाळीसगावमध्ये आलो नाही तर महाविकास आघाडीच्या समर्थनार्थ इथे आलो आहे, असे म्हणत येथे त्यांनी महाविकास आघाडीला पाठिंबा देत भाजपविरुद्ध भूमिका घेतली.

किशोर पाटील यांच्यावर पलटवार

त्यांची रात्रीची उतरली नसेल, कोणतीही व्यक्ती सांगेल उन्मेश पाटलांना राजकारणात कोणी मदत केली आहे. उन्मेष पाटलांनी सांगावं की मी त्यांची बॅग धरली आहे. आम्ही उन्मेष पाटलांच्या मागे पाठबळ उभा करून त्यांना आमदार केलं. आम्ही त्यांना आमच्या घरच्या बॅगा दिल्या, त्यांच्या बॅगा धरायचा प्रश्नच येत नाही. उन्मेष पाटील मोठा नेता नव्हता, त्याला आम्ही सर्वांनी मदत केली आहे. किशोर पाटलांची रात्रीची उतरली नसेल म्हणून ते बोलले असेल, असा मंगेश चव्हाण यांनी म्हटले. 2019 च्या निवडणुकीत किशोर पाटीलच अडीच हजार मतांनी निवडून आले होते ते मला काय निवडून आणतील. या सर्व लोकांना मी डोईजड व्हायला लागलो आहे ही वस्तुस्थिती आहे. चाळीसगावची जनता सुज्ञ आहे, हे पार्सल पाचोर्‍याला जाईल चिंता करायची नाही, किशोर पाटील यांना सांगा 3 तारखेला आपण भेटू, अशा शब्दात भाजप आमदार मंगेश चव्हाण यांनीही किशोर पाटील यांच्यावर जोरदार पलटवार केला.

हेही वाचा

पैसे दिले तर काजू, किसमिस म्हणून खाऊन घ्यायचे,धनुष्यबाणाचे बटन दाबायचे; आमदार सत्तारांचे मतदारांना आवाहन

आणखी वाचा