मुंबई महापालिकेसाठी भाजपकडून जाहीरनामा समितीची घोषणा, 11 जणांच्या समितीत कोणाला संधी?

मुंबई महानगरपालिका निवडणूक: मुंबई महानगर पालिकेच्या निवडणुकीच्या (Mumbai Municipal Corporation Election) पार्श्वभूमीवर घडामोडींना वेग आला आहे. पुढच्या काही दिवसांमध्ये महानगपालिकांच्या निवडणुकांची घोषणा होण्याची शक्यता आहे. त्या दृष्टीने सर्वच राजकीय पक्षांनी हालचाली सुरु केल्या आहेत. मुंबई महानगरपालिका निवडणुकीसाठी भाजपकडून जाहीरनामा समिती जाहीर करण्यात आली आहे. भाजपकडून मुंबईचा जाहीरनामा तयार केला जाणार आहे. मुंबई अध्यक्ष अमित साटम यांच्याकडून समितीची घोषणा करण्यात आली आहे.

जाहीरनामा समितीमध्ये एकूण 11 जणांचा समावेश

मुंबई महानगरपालिका निवडणुकीसाठी भाजपकडून जाहीरनामा समिती जाहीर करण्यात आली आहे. या जाहीरनामा समितीमध्ये एकूण 11 जणांचा समावेश करण्यात आला आहे. ज्यात, आमदार पराग अळवणी, योगेश सागर, संजय उपाध्याय, प्रसाद लाड यांचा समावेश आहे. सोबतच, मुंबई भाजपच्या पदाधिकाऱ्यांचा देखील समावेश करण्यात आला आहे. भाजप कार्यकर्त्यांकडून घरोघरी जात सर्वसामान्यांची पालिकेकडून नेमकी अपेक्षा काय? हे समजून घेण्याचा प्रयत्न केला होता. अशात, ह्या मतांचा देखील विचार करत मुंबईचा जाहीरनामा तयार केला जाणार आहे.

समितीत कोणाचा समावेश?

आमदार पराग अळवणी
सदस्य सदस्य योगेश सागर यांनी केले
आमदार संजय उपाध्याय
योजना ठोकळे
भालचंद्र शिरसाट
प्रभाकर शिंदे
प्रतिक कर्पे
अभिजीत सामंत
रिटा मकवाना
श्रीकला पिल्ले

बिहारची निवडणूक म्हणजे ट्रेलर असून खरा पिक्चर मुंबई महापालिका निवडणुकीत दिसेल : अमित साटम

बिहार विधानसभा निकालावर भाजपचे मुंबई अध्यक्ष अमित साटम यांनी प्रतिक्रिया दिली आहे. मत चोरीचा फेक नेरेटिव्ह बिहारच्या जनतेने उधळून लावला. विरोधकांनी केलेले मत चोरीचे आरोप म्हणजे जनतेचा अपमान आहे. बिहारच्या जनतेनं निकालातून उत्तर दिलय. बिहारची निवडणूक म्हणजे ट्रेलर असून खरा चित्र मुंबई महापालिका निवडणुकीत दिसेल, असा विश्वास अमित साटम यांनी व्यक्त केला. तसेच, आगामी स्थानिक स्वराज्य संस्थांच्या निवडणुकीतही एनडीएला भरघोस समर्थन मिळेल, असा दावाही त्यांनी केलाय. दरम्यान, सध्या स्थानिक स्वराज्य संस्थांच्या निवडणुकांची रणधुमाळी सुरु झाली आहे. सर्वच राजकीय पक्षांच्या नेत्यांनी प्रचाराला सुरुवात केली आहे. अनेक ठिकाणी महायुतीत बिघाडी झाल्याचं चित्र दिसत आहे. तर काही ठिकाणी एकत्र लढत आहेत. दरम्यान, सध्या नगरपंचायत आणि नगरपरिषदांच्या निवडणुका सुरु आहेत. यासाठी येत्या 2 डिसेंबरला मतदान प्रक्रिया पार पडणार आहे. तर 3 डिसेंंबरला मतदानाचा निकाल लागणार आहे. त्या पार्श्वभूमीवर घडामोडींना वेग आला आहे. या निवडणुकानंतर लवकरच जिल्हा परिषद आणि महानगरपालिकांच्या निवडणुकांच्या तारखा जाहीर होण्याची शक्यता आहे.

महत्वाच्या बातम्या:

Bihar Election Result 2025 बिहार विधानसभा ट्रेलर, मुंबई महापालिका खरा पिच्चर, भाजपची प्रतिक्रिया; सुषमा अंधारेंचा पलटवार

आणखी वाचा