मालेगाव अत्याचार प्रकरण! गृह विभागाकडून विशेष सरकारी वकील उज्वल निकम यांची नियुक्ती

नाशिक क्राईम न्यूज : नाशिकच्या (Nashik) मालेगाव (Malegaon) तालुक्यातील डोंगराळे गावात तीन वर्षीय चिमुरडीवर अत्याचार करून तिची निर्घृण हत्या करण्यात आल्याची घटना घडली आहे. या हृदयद्रावक घटनेने संपूर्ण गावावर शोककळा पसरली आहे. दरम्यान, या घटनेनंतर संपूर्ण महाराष्ट्रातूनसंताप व्यक्त होताना दिसत आहे. अनेक ठिकाणी आंदोलने झाली आहेत. दरम्यान, या प्रकरणी गृह विभागाकडून मोठा निर्णय घेण्यात आला आहे. या प्रकरणात विशेष सरकारी वकील उज्वल निकम यांची नियुक्ती करण्यात आली आहे.

महाराष्ट्राला हादरवलेल्या डोंगराळे येथील तीन वर्षांच्या चिमुकलीवरील झालेला अत्याचार व खून प्रकरणातील आरोपीवर कारवाई अधिक काटेकोर व्हावी म्हणून महाराष्ट्र शासनाने कडक पाऊल उचलले आहे. राज्य सरकारने सुप्रसिद्ध विशेष सरकारी अभियोक्ता अधिवक्ता उज्ज्वल निकम यांची या प्रकरणासाठी निवड केली आहे. मालेगाव न्यायालयात सुरु असलेल्या C.R. क्रमांक 839/2025 या प्रकरणाची सुनावणी मा. अतिरिक्त सत्र न्यायालय, मालेगाव येथे सध्या सुरु आहे. या सुनावणीमध्ये ते विशेष सरकारी वकील म्हणून काम पाहणार आहेत. राज्य सरकारच्या कायदा व न्याय विभागाकडून आज अधिकृत आदेश जारी करण्यात आला आहे.

उज्वल निकम यांची नियुक्ती करण्याची मागणी करण्यात आली होती

मालेगाव (Malegaon) तालुक्यातील डोंगराळे, गावतील 3 वर्षांच्या चिमुरडीवर अत्याचार करून तिचा खून केल्यानं  खळबळ उडाली होती. चिमुरडीवर अत्याचार करणाऱ्याला फाशीच्या शिक्षेच्या मागणीसाठी मालेगाव तालुक्यात आंदोलनं होत आहेत. या प्रकरणी विशेष सरकारी वकील उज्वल निकम यांची नियुक्ती करण्याची मागणी करण्यात आली होती. अखेर आज  गृह विभागाकडून  उज्वल निकम यांची नियुक्ती करण्यात आली आहे.

16 नोव्हेंबर रोजी चिमुरडीवर अत्याचार करुन केली होती हत्या

मालेगाव तालुक्यातील डोंगराळे गावात तीन वर्षीय चिमुरडीवर अत्याचार करून तिची निर्घृण हत्या केल्याची हादरवून टाकणारी घटना उघडकीस (Malegaon Crime News) आली आहे. 16 नोव्हेंबर रोजी गावातील 24 वर्षीय विजय संजय खैरनर याने या चिमुरडीवर प्रथम अत्याचार केला आणि नंतर तिचे डोके दगडाने ठेचून अमानुषपणे हत्या केली होती. घटनेची माहिती मिळताच मालेगाव तालुका पोलीसांनी विजय खैरनार याला ताब्यात घेतले होते. या घटनेनंतर माहाराष्ट्रातून संताप व्यक्त होत आहे.

आरोपीला फाशी देण्याची मागणी

नाशिकच्या मालेगाव तालुक्यातील डोंगराळे येथे तीन वर्षीय चिमुकलीवर झालेल्या अत्याचार व हत्येच्या भयंकर घटनेने सर्वत्र संतापाची लाट उसळली आहे. या अमानुष कृत्याच्या निषेधार्थ ठिकठिकाणी मूक मोर्चा काढले होते. मार्चे काढून निषेध व्यक्त करण्यात आला होता. आरोपीवर तातडीने फास्टट्रॅक कोर्टात खटला चालवून कठोरातील कठोर अशी फाशीची शिक्षा देण्यात यावी, अशी ठाम मागणी करण्यात येत आहे. यापुढील काळात या प्रकरणाच्या तपास प्रक्रियेत आवश्यक समन्वय, कायदेविषयक मार्गदर्शन, पुनर्वसनासंदर्भातील सहाय्य, तसेच पीडित कुटुंबाच्या रक्षण आणि हिताविषयीच्या सर्व आवश्यक उपाययोजना करणार असल्याचे अनेक राजकीय नेत्यांनी सांगितले आहे.

महत्वाच्या बातम्या:

नाशिक डोंगराळे अत्याचार प्रकरण! पीडित कुटुंबाला 10 लाख रुपयांची मदत, मंत्री आदिती तटकरेंची माहिती

आणखी वाचा