बाबर आझमने रचला इतिहास, विराट कोहलीचा आणखी एक विक्रम आपल्या नावावर

दिल्ली: जवळपास 8 महिने टी-20 संघातून बाहेर असलेला पाकिस्तानचा स्टार फलंदाज बाबर आझमने अखेर आपली लय परत मिळवली आहे. लाहोरच्या गद्दाफी स्टेडियमवर दक्षिण आफ्रिकेविरुद्धच्या तिसऱ्या आणि शेवटच्या टी-20 सामन्यात त्याने शानदार फलंदाजी करत अवघ्या 36 चेंडूत झंझावाती अर्धशतक झळकावले. या खेळीसह बाबरने टी-20 आंतरराष्ट्रीय क्रिकेटमध्ये एक मोठा विक्रम केला.

बाबरने विराटचा विक्रम मोडला

बाबर आझमने या सामन्यात आपल्या टी-20 कारकिर्दीतील 37 वे अर्धशतक झळकावले. यासह, त्याने भारताचा दिग्गज फलंदाज विराट कोहलीला मागे टाकून T20I मध्ये सर्वाधिक 50+ धावा करण्याचा विक्रम रचला. आता बाबरच्या नावावर ४० वेळा (३७ अर्धशतके आणि ३ शतके) ५० हून अधिक धावा करण्याचा विक्रम आहे. तर, विराट कोहली ३९ वेळा (३८ अर्धशतक आणि १ शतक) सह दुसऱ्या स्थानावर आहे.

सॅम अयुब खाते न उघडताच बाद झाल्याने पाकिस्तानच्या डावाची सुरुवात खराब झाली. पण, बाबर आझमने सावध आणि हुशारीने खेळ करत डाव पुढे नेला. त्याच्या खेळीने संघाला कठीण परिस्थितीतून बाहेर काढले आणि पाकिस्तानला विजयाच्या मार्गावर आणले. त्याने 47 चेंडूंत 9 चौकारांच्या मदतीने 68 धावांची महत्त्वपूर्ण खेळी खेळली.

T20 क्रिकेटमध्ये 50+ ची सर्वोच्च धावसंख्या

संबंधित बातम्या