मोठी बातमी! सात कोटी बाजार मूल्य असलेल्या सहकारी संस्थेच्या जमिनीची केवळ 70 लाखांना विक्री

पालघर बातम्या: पालघरमध्ये शेकडो कोटींच्या जमिनीचा घोटाळा समोर आला आहे. पालघरच्या (Palghar News) तलासरी येथील काजळी सहकारी सामुदायिक शेती संस्था मर्यादित संस्थेची मुंबई-अहमदाबाद (Mumbai–Ahmedabad) राष्ट्रीय महामार्ग लगत असलेली 55 एकर जमीन संस्था संचालकांसह तत्कालीन सहाय्यक निबंधक असलेल्या अधिकाऱ्याने कवडीमोल दराने विक्री केल्याचा धक्कादायक प्रकार समोर आला आहे. 2022 साली या 55 एकर जमिनीची किंमत शासकीय किमतीनुसार सात कोटी रुपये असताना देखील या संस्थाचालक आणि सहाय्यक निबंधकाने केवळ 70 लाखांना या जमिनीची विक्री (Cooperative society land scam) केली.

Cooperative Society Land Scam : सात कोटी रुपये किंमतींच्या जमिनीची केवळ 70 लाखांना विक्री

विशेष म्हणजे, या जमिनीची किंमत 2022 साली साधारणतः सात कोटी असली तरी आता या जमिनीची किंमत ही शेकडो कोटींच्या घरात असल्याचा अंदाज वर्तवण्यात येतोय. तलासरीच्या काजळी येथे शासनाकडून शेतकऱ्यांसाठी काजळी सामुदायिक शेती सहकारी संस्था निर्माण करण्यात आली होती . या संस्थेसाठी 55 एकर जमीन देण्यात आली असून 2022 साली या जमिनीची संस्था संचालक आणि या संस्थेवर नियंत्रण असलेल्या सहाय्यक निबंधका मार्फत केवळ 70 लाखांना विक्री करण्यात आली आहे.

Palghar News : सहा जणांवर गुन्हा दाखल करण्यासाठी पालघर पोलिसांना पत्र, मनसेचा इशारा

विशेष म्हणजे खरेदी करणारे मालक या संस्था संचालकांमधूनच काहीजण असून हा धक्कादायक प्रकार समोर आल्यानंतर एका लेखापरीक्षकामार्फत या संस्थेच आणि जमिनीच ऑडिट करण्यात आलं. या ऑडिटमध्ये या व्यवहारात मोठ्या प्रमाणावर गैरव्यवहार झाल्याच निष्पन्न झाल्यानंतर सध्याचे सहाय्यक निबंधक तसच ऑडिटर यांच्यामार्फत तत्कालीन संस्थाचालकांसह तत्कालीन सहाय्यक निबंधक अशा एकूण सहा जणांवर गुन्हा दाखल करण्यासाठी पालघर पोलिसांना पत्र देण्यात आल आहे . याबाबत लवकरच गुन्हा दाखल न झाल्यास मनसे स्टाईलने आंदोलन करू, असा इशारा मनसेचे तालुका प्रमुख विजय वाडिया यांच्या कडून देण्यात आला आहे.

Jawhar Crime : ….अन् सुरक्षा अनामत रक्कम बँकेतून ठेकेदाराच्या नावे काढण्याचा डाव फसला

जव्हार सार्वजनिक बांधकाम विभाग कार्यालयातील कामांच्या सुरक्षा अनामत रक्कम बँकेतून ठेकेदाराच्या नावे काढण्याचा डाव फसला आहे. 111कोटी 63 लाख रुपये इतकी मोठी रक्कम बँकेतून काढताना जव्हार एसीबीआय बँकेतील कर्मचाऱ्याच्या लक्षात आले, आणि त्याच्या सतर्कते मुळे अधिकारी व ठेकेदारांचा डाव फसला आहे.

दरम्यान या प्रकरणी आता चौकशी सुरू झाली आहे. तर विक्रमगड विधानसभेचे भाजपचे आमदार हरिश्चंद्र भोये यांनी हा विषय मुख्यमंत्र्यांना सांगून एसआयटी चौकशी लावण्याची मागणी करणार असल्याचे ते म्हणाले. सोबतच हिवाळी अधिवेशनामध्ये हा मुद्दा उचलून धरणार असून याबाबतीत मागील हे काळात असा अपहर झाल्याचा संशय आम्हाला असून मागील काळातील चौकशी आणि आत्ताच उघड झालेल्या प्रकारातील चौकशीही करण्याची मागणी आम्ही करणार आहोत. असं मत व्यक्त केलं आहे. फक्त या विषयावर सार्वजनिक बांधकाम विभागाच्या अधिकाऱ्यांनी बोलण्यास नकार दिला आहे.

इतर महत्वाच्या बातम्या

आणखी वाचा