पवना डॅमजवळ अभिनेत्रीच्या फार्महाऊसवर चोरी, टीव्ही, फ्रीज, बेड, चोरट्यांनी सगळंच पळवलं!

पुणे: चंदेरी दुनियेतील हिंदी फिल्म सिनेतारका संगीता बिजलानी (Sangeeta Bijlani House Theft) यांच्या पवना धरणाच्या बँक वॉटरला असलेल्या तिकोना पेठ येथील फार्म हाऊसमध्ये चोरी झाल्याची घटना उघडकीस आली आहे. यामध्ये चोरट्यांनी रोख रक्कम, व टीव्ही असा ऐवज लंपास केला आहे. 50 हजार रुपयांची रोख रक्कम आणि 7 हजार रुपये किंमतीचा टीव्ही चोरला आहे. या घटनेबाबत मोहम्मद अझहर उद्दीन यांचे पीए मोहम्मद मुजीब खान यांनी लोणावळा ग्रामीण पोलीस ठाण्यात तक्रार दिली आहे. मोहम्मद अजहर उद्दीन यांची पत्नी व अभिनेत्री संगीता बिजलानी यांच्या मालकीचा तो फार्म हाऊस आहे. या फार्म हाऊसच्या पाठीमागून चोरट्यांनी प्रवेश करत ग्रील उचकटून आत प्रवेश केला व 57 हजार रुपयांचा ऐवज चोरी करून नेला. या प्रकरणी लोणावळा ग्रामीण पोलीस ठाण्याचे पोलीस निरीक्षक दिनेश तायडे पुढील तपास करत आहेत. (Sangeeta Bijlani House Theft)

आणखी वाचा