मुलींचे आजारपण दूर करण्यासाठी दाम्पत्याचे 14 कोटी लाटले; पैशांचं नेमकं काय केलं? सर्व माहिती स
पुणे : पुण्यातील दुर्धर आजाराने त्रस्त असलेल्या मुलीवर उपचार करून बरे करण्याचे आमिष दाखवत कोथरूडमधील (Vedika Pandharpurkar Fraud Case) दाम्पत्याला तब्बल १४ कोटींनी गंडवलेल्या तीन आरोपींमधून आतापर्यंत ५४ लाख रुपये जप्त करण्यात आले आहेत. आरोपींच्या नावावर असलेल्या ३९ बँक खात्यांपैकी १३ खात्यांबाबतची माहिती उघड झाली असून, त्यामध्ये तब्बल १,१३९ संशयास्पद व्यवहार (Vedika Pandharpurkar Fraud Case) आढळून आले आहेत. तसेच, या आरोपींनी फसवणुकीतून मिळवलेले सोने खासगी सावकारांकडे गहाण ठेवून सुमारे ६० लाख रुपयांचे कर्ज घेतल्याचं तपासात स्पष्ट झाले आहे.(Vedika Pandharpurkar Fraud Case)
Vedika Pandharpurkar Fraud Case : वेदिकाची आई व भाऊ यांच्यावर गुन्हा दाखल
या गुन्ह्यात वेदिका कुणाल पंढरपूरकर (वय ४१), कुणाल वैजनाथ पंढरपूरकर (वय ४२, दोघे रा. महात्मा सोसायटी, कोथरूड) आणि दीपक जनार्दन खडके (वय ६५, रा. वाडीवरे, नाशिक) यांना अटक करण्यात आली आहे. फसवणाऱ्या आणि पैसे लाटणाऱ्या वेदिकाची आई व भाऊ यांच्यावर गुन्हा दाखल करण्यात आला आहे. आरोपींनी दाम्पत्याची फसवणूक करून १४ कोटी ३९ लाख २० हजार घेतले असून, ही रक्कम त्यांनी विविध ठिकाणी फिरविल्याचे निदर्शनास आले आहे. या रकमेतून आरोपींनी काही मालमत्ता व वाहने विकत घेतलेली आहेत. या मालमत्तेचे सहा ते सात नोंदणी दस्त विशेष नोंदणी व महानिरीक्षक यांच्याकडून पोलिसांना मिळाले आहेत.(Vedika Pandharpurkar Fraud Case)
या प्रकरणातील आरोपींच्या एकूण तेरा बँक खात्यांची माहिती उघड झाल्याने तिघांनाही गुरुवारी न्यायालयात हजर करण्यात आले होते. आरोपींकडून वाहने आणि लॅपटॉप जप्त करण्यात आले आहेत. आरोपींनी पैशांचा वापर कोण-कोणत्या कारणांसाठी केला याची चौकशी करण्यात येत आहे, अशी माहिती तपास अधिकारी पोलिस निरीक्षक संतोष खेतमाळस यांनी दिली. आरोपींनी त्यांच्या मालमत्तेची विल्हेवाट लावली असल्याची शक्यता आहे. आरोपींना सहा दिवसांची पोलिस कोठडी देण्यात यावी, असा युक्तिवाद सरकारी वकील प्रदीप गेहलोत यांनी केला आहे. मूळ तक्रारदारांच्या वतीने ॲड. विजयसिंह ठोंबरे यांनी बाजू मांडली. न्यायालयाने आरोपींना तीन डिसेंबरपर्यंत पोलिस कोठडी सुनावली.(Vedika Pandharpurkar Fraud Case)
Vedika Pandharpurkar Fraud Case : नेमकं प्रकरण काय?
पुण्यात एका आयटी अभियंत्याला (IT Engineer) त्याच्या दोन्ही मुलींना बरं करण्याच्या आमिषाने तब्बल १४ कोटी रुपयांना भोंदू बाबाने गंडा घातल्याचा धक्कादायक प्रकार उघडकीस आला आहे. शंकर महाराज त्यांच्या अंगात येतात आणि ते कोणताही आजार बरा करू शकतात, असा दावा करून या भोंदू बाबाने (Pune Bhondu Baba) पीडित दांपत्याची दिशाभूल केली. दिपक डोळस असे फसवणूक झालेल्या आयटी अभियंत्याचे नाव असून, त्यांची पत्नी शिक्षक आहे. या दाम्पत्याची कोट्यावधींची फसवणूक (Pune Bhondu Baba)झाल्याचा प्रकार समोर येताच खळबळ उडाली आहे. या दांपत्याने आपल्या आयुष्यभराची बचत आणि इंग्लंडमधील घर,फार्म हाऊस देखील गमावले आहे. या प्रकरणातील मुख्य आरोपीचे नाव दिपक खडके असून, त्याला त्याची शिष्या वेदिका पंढरपुरकर हिने फसवणुकीत साथ दिल्याचे समोर आले आहे. या दोघांनी एकत्र येऊन डोळस दांपत्याला आध्यात्मिक शक्ती आणि उपचारांच्या नावाखाली जाळ्यात ओढले.
वेदिकाच्या अंगात शंकर महाराज येतात आणि ते सांगतील तसं लागलं पाहिजे असा दावा करुन दिपक डोळस यांना त्यांच्या कोट्यावधींच्या मालमत्ता विकण्यास भाग पाडण्यात आलं. विशेष म्हणजे हे सर्व पैसे आरटीजीएसने राजेंद्र खडके आणि वेदिका पंढरपुरकर यांनी त्यांच्या बॅंक खात्यांवर वळते करुन घेतले. २०१८ पासुन हा प्रकार सुरु होता. दिपक डोळस, त्यांची पत्नी दोन मुलींना राजेंद्र खडकेच्या दरबारात नेण्यात आले. तिथे वेदिका पंढरपुरकर हीने तीच्या अंगात शंकर महाराज येतात अशी अॅक्टींग केली. त्यानंतर तुमच्याकडे संपत्ती ठेवल्यास तुम्हाला येतील असे सांगून बॅंकेतील सर्व पैसे आणि ठेवी वेदिका यांच्या खात्यात वळत्या करायला लावल्या.
मात्र तरीही डोळस यांच्या मुली बऱ्या न झाल्याने त्यांनी खडके आणि पंढरपुरकर यांच्याकडे विचारणा केली असता त्यांनी तुमच्या घरात दोष आहेत असं सांगितलं. डोळस हे काही वर्ष इंग्लंडमध्ये नोकरी करत होते. त्यामुळे त्यांचं इंग्लंडमध्ये देखील घर होतं आणि फार्महाऊस खरेदी केले होते. ते इंग्लंडमधील घर आणि फार्म हाऊस त्यांना विकायला लावण्यात आलं आणि ते पैसे पंढरपुरकर यांच्या खात्यात वळते करण्यात आले. त्यानंतर डोळस यांना त्यांचा पुण्यातील प्लॉट आणि फ्लॅट विकण्यास सांगण्यात आलं आणि ते पैसे देखील हडप करण्यात आले.
आणखी वाचा
Comments are closed.