संगमनेर निवडणूक 2025: आगामी संगमनेर नगरपालिका निवडणुकीत (Sangamner Nagarpalika Election 2025) राजकीय हालचालींना वेग आला असून नाशिक पदवीधर मतदारसंघाचे अपक्ष आमदार सत्यजित तांबे (Satyajeet Tambe) आता सक्रिय झाले आहेत. काँग्रेस नेते बाळासाहेब थोरात (Balasaheb Thorat) यांचे भाचे असलेल्या तांबे यांनी ‘संगमनेर नगरपालिका 2.0’ (Sangamner Nagarpalika 2.0) हे अभियान हाती घेतले असून त्यांच्या पत्नी मैथिली तांबे (Maithili Tambe) यांचे नाव नगराध्यक्ष पदासाठी प्रबळपणे पुढे येत आहे.
सत्यजित तांबे यांनी शहराच्या पुढील 50 वर्षे विकासाचा आराखडा तयार करण्यासाठी नागरिकांकडून थेट सूचना मागवण्याची मोहीम सुरू केली आहे. यासाठी विशेष QR कोडद्वारे जाहीरनाम्यासाठी कल्पना व सूचना नोंदवण्याची सुविधा उपलब्ध करून देण्यात आली आहे.
Sangamner Election 2025: ‘शहर विकास आघाडी’च्या माध्यमातून निवडणूक लढवणार?
तांबे काँग्रेसमधून निलंबित असल्याने यंदा महाविकास आघाडीऐवजी ‘शहर विकास आघाडी’ या नव्या समूहाच्या माध्यमातून निवडणूक लढवली जाण्याची शक्यता आहे. त्यामुळे पक्षाच्या अधिकृत चिन्हाऐवजी नवीन निवडणूक चिन्ह घेऊन तांबे आणि त्यांची टीम रिंगणात उतरणार असल्याची माहिती समोर येत आहे. यावेळीही बाळासाहेब थोरात यांच्या नेतृत्वात ही निवडणूक लढवली जाण्याची तयारी असल्याने महाविकास आघाडीतील सहयोगी पक्ष शिवसेना (उबाठा गट) आणि राष्ट्रवादी काँग्रेस (शरद पवार गट) यांची भूमिका काय असणार, याकडे लक्ष लागले आहे.
Satyajeet Tambe: विधानसभेतील चुका दुरुस्त करून आम्ही पुढे आलोय: सत्यजित तांबे
विधानसभा निवडणुकीतील पराभवाचा या निवडणुकीवर परिणाम होणार नसल्याचे स्पष्टीकरण देत त्या निवडणुकीत झालेल्या चुका आम्ही दुरुस्त केल्या असून आता आम्ही पुढे आलो आहोत,” असे सत्यजित तांबे यांनी स्पष्ट केले आहे. तांबे दाम्पत्याच्या सक्रियतेमुळे आणि नव्या राजकीय समीकरणांमुळे संगमनेर नगरपालिका निवडणूक अधिकच रंगतदार होण्याची चिन्हे आहेत.
Balasaheb Thorat: थोरातांच्या सत्तेला महायुती सुरुंग लावणार?
तर दुसरीकडे महायुतीने संगमनेरची निवडणूक एकत्र लढविण्याची तयारी सुरू केलीय. सुजय विखे (Sujay Vikhe) व राधाकृष्ण विखे पाटील (Radhakrishna Vikhe Patil) यांनी कार्यकर्ता मेळावा घेत एकत्रित निवडणूक लढविण्याचे संकेत दिले असून उपमुख्यमंत्री एकनाथ शिंदे (मराठी) यांच्या शिवसेनेचे विद्यमान आमदार अमोल खताळ (Amol Khatal) यांच्या नेतृत्वात लवकरच उमेदवारांची घोषणा केली जाणार आहे. विधानसभेप्रमाणेच नगरपालिकेत देखील जनता परिवर्तन करणार, असा ठाम विश्वास आमदार अमोल खताळ यांनी व्यक्त करताना विधानसभेत ते गाफिल राहिल्याचं आज सांगतात. मात्र पुन्हा एकदा धनशक्ती विरुद्ध जनशक्ती ही लढाई होणार असल्याचं त्यांनी म्हटलं आहे. त्यामुळे संगमनेर नगरपालिकेत काँग्रेस नेते बाळासाहेब थोरात यांचे एकहाती वर्चस्व असलेल्या सत्तेला यंदा विखे पिता-पुत्रांच्या साथीने महायुती सुरुंग लावणार का? हे पाहणे महत्त्वाचे ठरणार आहे.
राज्य आणि देश-विदेशातील महत्त्वाच्या बातम्या; पाहा व्हिडीओ
आणखी वाचा
आणखी वाचा
Comments are closed.