साताऱ्यातील पडळ परिसरातील बेकायदा उत्खनन, एबीपी माझाच्या बातमीनंतर घोटाळा उघड

सातारा बातम्या : सातारा (Satara) जिल्ह्यातील खटाव (Khatav) तालुक्यातील पडळ (Padal) परिसरात विनापरवाना सुरु असलेल्या उत्खननाचा मोठा घोटाळा समोर आला आहे. लाखो ब्रास उत्खनन करून परवानगी मात्र पाच साडेपाच हजार ब्रास उत्खननाची असल्याने खटाव तालुक्यात मोठी खळबळ उडाली आहे. एबीपी माझाच्या बातमीने खटाव तालुक्यातील पडळ परिसरातील उत्खननाचा घोटाळा उघड झाला आहे. दरम्यान, याबाबत अधिकाऱ्यांनी धक्कादायक माहिती दिली आहे.

नेमकं प्रकरण काय?

RRMS इनको प्रायव्हेट लिमिटेड कंपनी आणि मायणी ते शामगाव घाट या रस्त्याचे काम करणारी सोनाई प्रायव्हेट लिमिटेड या कंपनीला महसूल, गौण खनिज सातारा या कार्यालयाकडून कोणताही गौण खनिज उत्खनन आणि वाहतूक करण्याबाबत परवाना देण्यात आला नसल्याची धक्कादायक माहिती महसूल अधिकारी बाळासाहेब जाधव (Balasaheb Jadhav) यांनी दिली आहे. सामाजिक कार्यकर्ते दादासाहेब चव्हाण यांनी या अवैध झालेल्या उत्खननावर आवाज उठवला असता वडूज तहसीलदार मॅडम यांनी पंचनामा करत त्या ठिकाणी जादा उत्खनन आढळला नाही असं पत्रक काढण्यात आले होते. त्यामुळे प्रशासनाची फसवणूक करून संबंधित कंपनी आणि तहसीलदार मॅडमचे अर्थपूर्ण संबंध असल्याचा आरोप दादासाहेब चव्हाण यांनी केला होता.यावर एबीपी माझा ने बातमी प्रसिद्ध करतात याची दखल सातारा जिल्हाधिकारी संतोष पाटील यांनी तत्काळ घेत महसूल गौण खनिज अधिकारी बाळासाहेब जाधव यांना झालेल्या उत्खननासंदर्भात माहिती घेण्यास सांगितले. त्यामधून धक्कादायक माहिती समोर आली आहे. पडळ परिसरात बेकायदा उत्खनन सुरु होते. याबाबतची बातमी एबीपी माझाने प्रसिद्ध केली होती. त्यानंत वेगानं सुत्र हालली. लाखो ब्रास उत्खनन हे बेकायदा सुरु असल्याचे समोर आले आहे.

या प्रकरणाची चौकशी करुण तहसीलदारांना निलंबीत करावं, सामाजिक कार्यकर्ते दादासाहेब चव्हाण यांची मागणी

मायणी ते दहिवडी रस्त्याचे काम करणारी कंपनी मे. RRSM इन्फो प्राइवेट लिमिटेड आणि मायनी ते शामगाव घाट या रस्त्याचे काम करणारी कंपनी सोनाई प्रायव्हेट लिमिटेड यांना गौण खनिज कार्यालयाकडून कोणताही गौण खनिज उत्खनन आणि वाहतूक करण्यासाठीचा परवानगी देण्यात आली नाही. त्यामुळं खटावच्या तहसीलदार मॅडम आणि या कंपनीचे काही अर्थपूर्ण संबंध आहेत का याची चौकशी करण्यात यावी त्याचबरोबर तहसीलदार मॅडम यांना निलंबित करण्यात यावं अशी मागणी देखील सामाजिक कार्यकर्ते दादासाहेब चव्हाण यांनी केली आहे.

आणखी वाचा