‘शॉकिंग’ अपडेट! आधीच दोन वेगवान गोलंदाज जखमी, त्यात बुमराहबद्दल मिळाली वाईट बातमी, आता काय करणा

इंग्लंड विरुद्ध भारत चौथी कसोटी अद्यतन : भारत आणि इंग्लंड यांच्यातील कसोटी मालिकेतील चौथा सामना (IND vs ENG 4th Test) 23 जुलैपासून मॅंचेस्टरमध्ये खेळवला जाणार आहे. मात्र, या महत्त्वाच्या सामन्यापूर्वीच टीम इंडियाच्या स्टार खेळाडूला झालेली दुखापतीने पूर्ण टीम मॅनेजमेंटचं टेन्शन वाढवलंय. अर्शदीप सिंग आधीच दुखापतीमुळे संघाबाहेर गेला आहे, आणि आता बर्मिंघम टेस्टमध्ये 10 बळी घेणारा आकाशदीप सिंग देखील फिटनेस समस्यांमुळे अडचणीत सापडला आहे. त्याच्या पाठीच्या दुखण्याने पुन्हा डोके वर काढले असून, लॉर्ड्स टेस्टच्या दुसऱ्या डावातही तो या समस्येला सामोरा गेला होता.

बुमराह खेळणार, पण तरीही चिंता कायम

टाइम्स ऑफ इंडियाच्या रिपोर्टनुसार, अर्शदीप आणि आकाशदीपच्या जागी अंशुल कंबोजला संघात स्थान देण्यात आले आहे. तसेच हे देखील स्पष्ट करण्यात आले आहे की, जसप्रीत बुमराह मॅंचेस्टर टेस्टमध्ये खेळणार आहेत. मात्र, ही मालिका सुरू होण्यापूर्वीच स्पष्ट झाले होते की, बुमराह केवळ तीनच सामने खेळणार आहे, त्यामुळे ओव्हलवरील शेवटच्या सामन्यात तो सहभागी होण्याची शक्यता फारच कमी आहे.

या रिपोर्टमध्ये आणखी एक महत्त्वाचा खुलासा करण्यात आला आहे, जसप्रीत बुमराह आणि आकाशदीप हे दोघे एकत्रितपणे उर्वरित कसोटी सामने खेळणार नाहीत. म्हणजेच, जर बुमराह मॅंचेस्टरमध्ये खेळतो, तर आकाशदीप ओव्हलमध्ये बुमराहच्या जागी खेळेल. परिणामी, भारतीय वेगवान माऱ्याची धार काहीशी कमी होण्याची शक्यता आहे आणि त्यामुळे टीम इंडियासमोर आणखी आव्हाने उभी राहतील.

आकाशदीप आणि अर्शदीप दोघेही दुखापतीमुळे बाहेर गेल्यामुळे, टीम इंडियाच्या नेट सेशनदरम्यान मोठी अडचण निर्माण झाली. इतकी की, गोलंदाजी प्रशिक्षक मोर्ने मोर्केललाही सरावात गोलंदाजी करावी लागली. अंशुल कंबोजच्या बाबतीत बोलायचे झाल्यास, त्याच्याकडे आंतरराष्ट्रीय अनुभव नसल्यामुळे त्याला अंतिम अकरामध्ये स्थान मिळेल की नाही, हे पाहणे रंजक ठरेल. याआधी ऑस्ट्रेलिया दौऱ्यावर देखील आकाशदीपला पाठीच्या दुखण्याचा त्रास झाला होता, त्यामुळे त्याची ही समस्या नवीन नाही.

भारत 1-2 ने पिछाडीवर

तीन सामन्यांनंतर इंग्लंड ही मालिका 2-1 ने आघाडीवर आहे. उर्वरित दोन सामने ओल्ड ट्रॅफर्ड (मॅंचेस्टर) आणि ओव्हल येथे खेळवले जाणार आहेत. भारतासाठी ही मालिका वाचवायची असेल, तर मॅंचेस्टरमध्ये होणारा चौथा सामना जिंकणे अत्यावश्यक आहे.

हे ही वाचा –

Eng vs Ind 4th Test : चौथ्या कसोटीपूर्वी टीम इंडियामध्ये मोठा बदल; अर्शदीप सिंग मालिकेतून बाहेर, ‘या’ धाकड गोलंदाजाची एन्ट्री

आणखी वाचा