तेजस पूर्णपणे सुरक्षित : एचएएल प्रमुख

दुबईतील दुर्घटनेची पार्श्वभूमी : तेजसमध्ये कुठलीच समस्या    नसल्याचे वक्तव्य : जगात सर्वोत्कृष्ट सुरक्षा रिकॉर्ड

वृत्तसंस्था/ नवी दिल्ली

दुबई एअर शोमध्ये तेजस लढाऊ विमान दुर्घटनाग्रस्त झाल्यावर हिंदुस्थानएअरोनॉटिक्स लिमिटेडचे (एचएएल) प्रमुख आणि व्यवस्थापकीय संचालक डी.के. सुनील यांनी तेजससोबत कुठल्याही प्रकारची समस्या नसल्याचे म्हणत हे पूर्णपणे सुरक्षित लढाऊ विमान असल्याचे म्हटले आहे. तेजस विमानाचा सुरक्षा रिकॉर्ड जगात सर्वोत्कृष्ट आहे. दुबईतील घटना दुर्दैवी होती, असे सुनील म्हणाले. स्वदेशी लढाऊ विमान तेजससोबत कुठल्याही प्रकारची समस्या नाही आणि हे पूर्णपणे सुरक्षित आहे. दुबईतील घटनेमुळे तेजसच्या भविष्यावर कुठलाच प्रभाव पडणार नाही तसेच स्वदेशात निर्माण होत असलेल्या 4.5 व्या पिढीचे हे विमान ‘गर्वाचा विषय’ आहे. देश प्रगती करू लागताच ते स्वत:चे तंत्रज्ञान विकसित करण्यास सुरुवात करतात, आम्ही देखील विविध टप्प्यांमधून जात असतो. आमच्याकडे हे अत्याधुनिक क्षमता असलेले 4.5 व्या पिढीचे विमान आहे. हे एक आकर्षक यश असून आम्हा सर्वांना याबद्दल गर्व असायला हवा, असे एचएएल प्रमुखांचे सांगणे आहे.

ग्लोबल होणे सरकारचे धोरण

तेजस लढाऊ विमानाची लवकरच निर्यात होणार आहे. या विमानाची उत्पादनक्षमता वाढण्यासोबत याकरता बाजार निर्माण होणार आहे. 180 विमानांची ऑर्डर असून आमच्याकडे याचे एक निर्यात बाजार असेल. आम्हाला ग्लोबल व्हायचे आहे आणि हे सरकारचे धोरण आहे. या लढाऊ विमानाची निर्यात भारत सरकार आणि कंपनीच्या प्रयत्नांचा परिणाम आहे. आम्ही निर्माण करत असलेल्या क्षमतेचा हा तार्किक विस्तार असल्याचे एचएएल प्रमुखांनी म्हटले आहे.

दुबई एअर शोमध्ये दुर्घटना

21 नोव्हेंबर रोजी दुबई एअर शोदरम्यान भारतीय वायुदलाचे एक लाइट कॉम्बॅट एअरक्राफ्ट (एलसीए) तेजस कोसळले होते, ज्यात वैमानिकाचा जागीच मृत्यू झाला होता. विदेशी भूमीवर तेजस लढाऊ विमान दुर्घटनाग्रस्त होण्याची ही पहिलीच वेळ आहे. तर तेजस लढाऊ विमान विकसित केल्यापासून केवळ दोन वेळाच कोसळले आहे. दुर्घटनेचे कारण जाणून घेण्यासाठी भारतीय वायुदलाने चौकशी सुरू केली असून याच्या अहवालाची प्रतीक्षा केली जात आहे.

एचएएलचे भविष्यासाठीचे प्रकल्प

एचएएल ‘यू-सीएव्ही-कॅट्स वॉरियर’ तयार करत आहे. हे पुढील वर्षापर्यंत तयार होणार असून 2027 पर्यंत उ•ाण सुरू करेल, अशी आम्हाला अपेक्षा आहे. आम्ही  यूएचएम (यूटिलिटी हेलिकॉप्टर मेरीटाइम)-डेक बेस्ड वर्जनसाठी यूटिलिटी

हेलिकॉप्टरवरही काम करत आहोत. हे चालूवर्षी उ•ाण करण्यास सुरुवात करेल आणि दोन वर्षांमध्ये त्याचा पुरवठा सुरू होणार असल्याचा दावा एचएल प्रमुखांनी केला आहे. सद्यकाळात मलेशिया, अर्जेंटीना, इजिप्त, फिलिपाईन्स समवेत अनेक देश तेजस लढाऊ विमानाच्या खरेदीत रुची दाखवत आहेत. पुढील काही वर्षांमध्ये संरक्षण निर्यात 35 हजार कोटी रुपयांपर्यंत वाढविण्याचे सरकारचे लक्ष्य आहे.

तेजस निर्यात करू

काही लोक नेहमीच दुष्प्रचार तसेच प्रश्न उपस्थित करत राहतील. परंतु हा प्रकार आम्हाला आणखी मजबूत होण्यापासून रोखू शकणार नाही. तेजस हे पूर्णपणे सुरक्षित विमान असल्याचा पूर्ण विश्वास मी देऊ इच्छितो. तेजस लढाऊ विमान आम्ही जगाला निर्यात करू, असे उद्गार एचएएल प्रमुखांनी काढले आहेत.