बदला घ्यायचाच होता…!रोहितने केला ऑस्ट्रेलियावरील संतापाचा खुलासा

भारतीय क्रिकेट संघ आणि त्यांचे चाहते 19 नोव्हेंबर 2023 ही तारीख विसरलेले नाहीत. या दिवशी एकदिवसीय विश्वचषकातील पराभवामुळे केवळ टीम इंडिया दुःखी झाली नाही, तर भारतातील कोट्यवधी लोकांचे स्वप्न अर्धवट राहिले. 2024 चा टी-20 विश्वचषक जिंकल्याने ही जखम भरून निघाली. परंतु टी-20 स्पर्धेतही रोहित शर्मा एकदिवसीय विश्वचषकातील पराभव विसरला नाही. भारताच्या एकदिवसीय संघाच्या कर्णधाराने स्वतः याबद्दल खुलासा केला आहे.

भारतीय संघाने टी-20 विश्वचषकात एकदिवसीय विश्वचषकाच्या अंतिम सामन्यात ऑस्ट्रेलियाविरुद्ध झालेल्या पराभवाचा बदला घेतला. भारताचा दिग्गज खेळाडू रोहित शर्माने एका मुलाखतीदरम्यान सांगितले की, आम्हाला राग आला होता आणि सर्व खेळाडूंना वाटत होते की ऑस्ट्रेलियाने आमच्यासाठी 19 नोव्हेंबरचा दिवस खराब केला. तो दिवस केवळ आमच्यासाठीच नाही तर संपूर्ण देशासाठी वाईट होता. म्हणून आम्ही विचार केला की आम्ही संपूर्ण देशाला टी-20 विश्वचषकात भेट देऊ

टी-20 विश्वचषकाच्या सुपर 8 मध्ये भारताचा सामना ऑस्ट्रेलियाशी होणार होता. संपूर्ण देश टीम इंडियासोबतच्या या सामन्याची वाट पाहत होता, कारण सर्वांना ऑस्ट्रेलियाविरुद्ध 50 षटकांच्या विश्वचषकात झालेल्या पराभवाचा बदला घ्यायचा होता. भारताविरुद्ध खेळण्यापूर्वी ऑस्ट्रेलियाचा अफगाणिस्तानकडून पराभव झाला होता, त्यानंतर या संघाचा सेमीफायनलमध्ये जाण्याचा मार्ग फक्त भारताला हरवूनच होता. पण रोहित शर्मा आणि त्याच्या संघाने सुपर 8 मध्ये ऑस्ट्रेलियाला हरवून स्पर्धेतून बाहेरचा रस्ता दाखवला. यानंतर टीम इंडियाने टी-20 विश्वचषक जिंकून संपूर्ण देशाची मने जिंकली.