आयपीएल 2026च्या ऑक्शनपूर्वी सर्व संघ आपले रिटेन केलेले खेळाडू जाहीर करणार आहेत. सगळ्यांचे लक्ष चेन्नई सुपर किंग्स आणि राजस्थान रॉयल्समधील ट्रेड डीलवर आहे. ही डील पूर्ण झाली, तर इंडियन प्रीमियर लीगच्या 18व्या सिझनमध्ये संजू सीएसके आणि रविंद्र जडेजा राजस्थानच्या संघाकडून खेळताना दिसू शकतात.
त्याचबरोबर, आरसीबी, मुंबई इंडियन्स आणि सनराइजर्स हैदराबादसारखे संघ कोणते खेळाडू रिलीज करणार आहेत, हे पाहणंही उत्सुकतेचे ठरेल. आयपीएल 2026ची संपूर्ण रिटेंशन लिस्ट जाहीर होण्याची तारीखही घोषित झाली आहे. चला जाणून घेऊया ती कधी, कुठे आणि कशी लाईव्ह पाहता येईल.
आयपीएल 2026 ची संपूर्ण रिटेंशन लिस्ट 15 नोव्हेंबरला समोर येणार आहे. कोणता संघ कोणते खेळाडू रिटेन करतो आणि कोणते खेळाडू रिलीज होतात हे पाहणं उत्सुकतेचं ठरेल. असे मानले जात आहे की अनेक संघ ऑक्शनपूर्वी आपल्या मोठ्या खेळाडूंशी नाते तोडू शकतात.
रिटेंशन लिस्ट 15 नोव्हेंबर संध्याकाळी 5 वाजता जाहीर होईल. पाच वेळा चॅम्पियन मुंबई इंडियंस रीस टॉप्ले, लिझार्ड विल्यम्स, बेवोन जॅकबसारख्या आंतरराष्ट्रीय खेळाडूंशी आपले नाते मोडू शकते. तर आरसीबीने लियाम लिव्हिंगस्टनला रिलीज करण्याचा पूर्ण निर्णय घेतला आहे.
Comments are closed.