कॅनडामध्ये नातीला भेटायला गेलेल्या व्यक्तीने शाळकरी मुलींची काढली छेड, प्रशासनाने पाठवले मायदेशी; पर येण्यावरही घातली बंदी

कॅनडामध्ये आपल्या नातीला भेटायला गेलेल्या एका 51 वर्षी हिंदुस्थानी व्यक्तीने शाळकरी मुलींची छेड काढली आहे. या प्रकरणी कॅनडा प्रशासनाने या व्यक्तीला परत हिंदुस्थानात पाठवले आहे.

जगजीत सिंग, जो आपल्या नवजात नातवाला भेटण्यासाठी जुलै महिन्यात ऑन्टारियो, कॅनडा येथे गेला होता, त्याला आता देशाबाहेर हाकलण्यात येणार असून कॅनडात परत येण्यावर बंदी घालण्यात आली आहे. पोलिसांनी सांगितले की आगमनानंतर थोड्याच काळात सिंग सर्निया परिसरातील एका स्थानिक हायस्कूलबाहेरच्या स्मोकिंग झोनमध्ये वारंवार जाऊ लागला, जिथे त्याने तरुण मुलींना लैंगिक छळ केल्याचा आरोप आहे. 8 ते 11 सप्टेंबर दरम्यान तो वारंवार मुलींच्या जवळ जाऊन त्यांच्यासोबत फोटो घेण्याचा प्रयत्न करत होता आणि ड्रग्स आणि दारूविषयी बोलत होता, असे वृत्तांमध्ये म्हटले आहे.

एका तक्रारदार मुलीने सांगितले की तिने सुरुवातीला फोटो काढण्यास नकार दिला, पण तो निघून जाईल या आशेने शेवटी तिने होकार दिला. परंतु, त्यानंतर त्याने तिला स्पर्श करण्याचा प्रयत्न केला आणि हात खांद्यावर ठेवण्याचा प्रयत्न केला. मुलीला अवघडल्यासारखे वाटल्याने तिने उभी राहून त्याचा हात दूर ढकलला.

चौकशी अधिकाऱ्यांनी सांगितले की, सिंगला इंग्रजी येत नाही, तरीही तो मुलींचा पाठलाग करून शाळेच्या बाहेरही जात होता.

सिंगला 16 सप्टेंबर रोजी अटक करण्यात आली आणि लैंगिक छळ व लैंगिक अत्याचार या गुन्ह्यांतर्गत त्याच्यावर आरोप ठेवण्यात आले. दोन दिवसांनी त्याला जामीन मिळाला, पण त्याच दिवशी आलेल्या नव्या तक्रारीनंतर त्याला पुन्हा अटक करण्यात आली. पुढील दिवशी त्याला पुन्हा जामीन मिळाला, परंतु दुभाषा उपलब्ध नसल्याने त्याला आणखी एक रात्र कोठडीत राहावे लागले.

19 सप्टेंबर रोजी, सिंगने लैंगिक छळाच्या आरोपांना निर्दोष असल्याचे सांगितले, परंतु गुन्हेगारी छळाच्या कमी गंभीर आरोपाला दोषी असल्याचे कबूल केले. न्यायाधीशांनी नमूद केले की, सिंगचा त्या हायस्कूल परिसरात काहीही संबंध नव्हता.

न्यायमूर्ती क्रिस्टा लिन लेश्किन्स्की म्हणाल्या, “अशा प्रकारचे वर्तन सहन केले जाणार नाही.” सिंगच्या वकिलांनी सांगितले की, त्याचे 30 डिसेंबरचे भारताचे तिकीट आधीपासूनच बुक होते, परंतु न्यायालयाने त्याला तात्काळ देशाबाहेर पाठविण्याचा आदेश देत कॅनडात प्रवेश करण्यावर बंदी घातली.