पहलगाम हल्ल्यानंतर दोन्ही देशांमधील संबंधांमध्ये वाढलेल्या तणावाचा परिणाम क्रीडा क्षेत्रावरही दिसून आला. अनेक प्रसंगी भारतीय पुरुष आणि महिला संघांनी पाकिस्तानी खेळाडूंशी हस्तांदोलन करण्याची परंपरा टाळली होती. आशिया कपमध्ये सूर्यकुमार यादवच्या टीम इंडियाने सलमान आगाच्या टीमशी हस्तांदोलन न करणे असो किंवा कोलंबो आणि दोहा येथे महिला क्रिकेटदरम्यान कर्णधारांनी हस्तांदोलन करण्यास नकार देणे असो, या घटनांनी मोठे मथळे निर्माण केले होते.
2025 च्या सुरुवातीला हरभजन देखील चर्चेत होता, जेव्हा शिखर धवन, युसूफ आणि इरफान पठाण आणि सुरेश रैना सोबत त्याने लिजंड्सच्या वर्ल्ड चॅम्पियनशिपमध्ये पाकिस्तानविरुद्ध खेळण्यास नकार दिला होता. सध्याच्या परिस्थितीत ‘रक्त आणि घाम एकत्र गाळणे’ हे देशाच्या भावनेला धरून नाही, असे ते यावेळी म्हणाले होते. त्यांच्या बहिष्कारानंतर, भारत चॅम्पियन्स उपांत्य फेरीतील सामना गमावल्यानंतर बाहेर पडला आणि पाकिस्तानने अंतिम फेरी गाठली.
Comments are closed.