भारताविरुद्धच्या शेवटच्या 2 टी-20 सामन्यापूर्वी न्यूझीलंड संघात बदल, क्लार्क-रॉबिन्सन बाहेर पण 4 खेळाडूंचा समावेश

IND vs NZ T20I: भारताविरुद्धच्या पाच सामन्यांच्या T20 आंतरराष्ट्रीय मालिकेतील शेवटच्या दोन सामन्यांपूर्वी न्यूझीलंड संघात बदल करण्यात आला आहे. वेगवान गोलंदाज क्रिस्टियन क्लार्क आणि सलामीवीर टिम रॉबिन्सन यांना न्यूझीलंड संघातून मुक्त करण्यात आले आहे. न्यूझीलंड क्रिकेटने सोमवारी (२६ जानेवारी) रात्री ही माहिती दिली.

अष्टपैलू जिमी अँडरसन, वेगवान गोलंदाज आणि यष्टीरक्षक फलंदाज टिम सेफर्ट यांना शेवटच्या दोन सामन्यांसाठी न्यूझीलंड संघात संधी मिळाली आहे. दरम्यान, स्फोटक सलामीवीर फिन ऍलन गुरुवारी तिरुअनंतपुरममध्ये संघात सामील होणार आहे, जेणेकरून तो शनिवारी खेळल्या जाणाऱ्या पाचव्या आणि शेवटच्या T20 आंतरराष्ट्रीय सामन्यापूर्वी तयारी करू शकेल.

24 वर्षीय क्लार्कने नागपुरात खेळल्या गेलेल्या मालिकेतील पहिल्या सामन्यात टी-20 आंतरराष्ट्रीय क्रिकेटमध्ये पदार्पण केले. त्या सामन्यात क्लार्कने चार षटकात ४० धावा देऊन १ बळी घेतला. त्या सामन्यात रॉबिन्सनने 15 चेंडूत 21 धावांची खेळी केली होती. पहिल्या सामन्यात न्यूझीलंडचा 48 धावांनी पराभव झाला होता. या सामन्यानंतर दोन्ही खेळाडूंना प्लेइंग इलेव्हनमध्ये संधी मिळाली नाही. भारताविरुद्धच्या वनडे मालिकेत क्लार्कने चांगली कामगिरी केली होती.