जो रूट 2025 मध्ये शुबमन गिलचा मोठा विक्रम मोडेल? ऍशेस मालिकेतील चौथ्या कसोटीत इतक्या धावा करायच्या आहेत

आता रुटकडे शुभमन गिलचा हा विक्रम मोडण्याची सुवर्णसंधी आहे. यासाठी त्याला 2025-26 च्या ऍशेस मालिकेतील चौथ्या कसोटीत एकूण 167 धावा कराव्या लागतील. हा सामना 26 डिसेंबरपासून मेलबर्न क्रिकेट मैदानावर खेळवला जाणार आहे. जर रूटने या कसोटीच्या दोन्ही डावात 167 धावा केल्या तर तो 2025 साली आंतरराष्ट्रीय क्रिकेटमध्ये सर्वाधिक धावा करणारा फलंदाज ठरेल.

या वर्षी सर्वाधिक धावा करणाऱ्या फलंदाजांच्या यादीत दुसऱ्या क्रमांकावर वेस्ट इंडिजचा शाई होप आहे, ज्याने 42 सामन्यांत 40.00 च्या सरासरीने 1760 धावा केल्या आहेत. तर झिम्बाब्वेचा फलंदाज ब्रायन बेनेटचे नाव चौथ्या क्रमांकावर आहे. ब्रायनने 39 सामन्यांत 35.22 च्या सरासरीने 1585 धावा केल्या आहेत. तर पाकिस्तानच्या सलमान अली आगाने यावर्षी 56 सामन्यांमध्ये 32.22 च्या सरासरीने 1569 धावा केल्या आहेत आणि तो या बाबतीत पाचव्या स्थानावर आहे.

ॲशेस मालिकेतील जो रूटच्या कामगिरीवर नजर टाकली तर त्याने आतापर्यंत खेळलेल्या तीन कसोटी सामन्यांमध्ये 43.80 च्या सरासरीने 219 धावा केल्या आहेत, ज्यात एका शतकाचाही समावेश आहे. मात्र, इंग्लंडने ही मालिका जवळपास गमावली असून यजमान संघ 3-0 ने आघाडीवर आहे.

अशा परिस्थितीत, जो रूटसाठी धावा करणे हे केवळ विक्रम मोडण्यापुरते मर्यादित नाही, तर इंग्लंडची प्रतिष्ठा वाचवण्यासाठी, मालिकेत सन्मानजनक पुनरागमन करण्यासाठी आणि 2025-27 च्या जागतिक कसोटी चॅम्पियनशिपच्या गुणतालिकेतही ते खूप महत्त्वाचे आहे. सध्या, इंग्लंड 9 सामन्यांत 5 पराभवांसह 27.08 पीसीटीसह सातव्या स्थानावर आहे.