दुखापतग्रस्त ब्रेंडन टेलरच्या जागी सॅम कुरनच्या भावाचा झिम्बाब्वेच्या T20 विश्वचषक संघात समावेश

झिम्बाब्वे संघाला T20 विश्वचषक 2026 मध्ये मोठा धक्का बसला, जेव्हा अनुभवी यष्टिरक्षक फलंदाज ब्रेंडन टेलर स्पर्धेतून बाहेर पडला. त्याच्या जागी आता संघात एका युवा आघाडीच्या फलंदाजाचा समावेश करण्यात आला आहे, जो इंग्लंडचा स्टार अष्टपैलू खेळाडू सॅम कुरनचा भाऊ आहे. दुखापतीमुळे हा बदल करण्यात आला असून त्याला आयसीसीकडून अधिकृत मान्यताही मिळाली आहे.

T20 विश्वचषक 2026 दरम्यान झिम्बाब्वेला मोठा धक्का बसला आहे. संघाचा अनुभवी 40 वर्षीय यष्टिरक्षक-फलंदाज ब्रेंडन टेलर हॅमस्ट्रिंगच्या दुखापतीमुळे संपूर्ण स्पर्धेतून बाहेर पडला आहे. त्याच्या जागी आता बेन कुरनचा संघात समावेश करण्यात आला आहे.

खरं तर, ओमानविरुद्धच्या सामन्यादरम्यान धावांचा पाठलाग करताना, ब्रेंडन टेलर धावताना अस्वस्थ दिसत होता आणि 30 चेंडूत 31 धावा केल्यानंतर, दुखापतग्रस्त होऊन मैदानाबाहेर गेला. नंतरच्या तपासात असे दिसून आले की त्याच्या उजव्या हॅमस्ट्रिंगला गंभीर दुखापत झाली होती, ज्यामुळे त्याला स्पर्धेतून बाहेर जावे लागले.