मिचेल-फिलिप्सच्या शतकांनी सामन्याचे चित्र फिरवले, विराटचे शतकही विजयाकडे नेऊ शकले नाही, न्यूझीलंडने भारताचा 41 धावांनी पराभव करत मालिका जिंकली.

डॅरिल मिशेलने 131 चेंडूत 137 धावांची शानदार खेळी खेळली, ज्यात 15 चौकार आणि 3 षटकारांचा समावेश होता. त्याचवेळी ग्लेन फिलिप्सनेही 88 चेंडूत 106 धावा केल्या. या दोन शतकी खेळीमुळे न्यूझीलंडने 337 धावांची मोठी धावसंख्या उभारली.

भारताकडून अर्शदीप सिंग आणि हर्षित राणा यांनी 3-3, तर मोहम्मद सिराज आणि कुलदीप यादव यांनी 1-1 विकेट घेतली.

लक्ष्याचा पाठलाग करण्यासाठी उतरलेल्या भारतीय संघाची सुरुवात खूपच खराब झाली. रोहित शर्मा (11), कर्णधार शुभमन गिल (23), श्रेयस अय्यर (3) आणि केएल राहुल (1) लवकर पॅव्हेलियनमध्ये परतले. कठीण परिस्थितीत विराट कोहली आणि नितीश कुमार रेड्डी यांनी पाचव्या विकेटसाठी 88 धावा जोडून आशा निर्माण केल्या. रेड्डीने 57 चेंडूत 53 धावांची महत्त्वपूर्ण खेळी खेळली.

यानंतर विराट कोहलीने हर्षित राणासोबत सातव्या विकेटसाठी ९९ धावांची भागीदारी करून सामना रोमांचक केला. हर्षित राणाने 43 चेंडूत 52 धावांची भर घातली, तर विराट कोहलीने 108 चेंडूत 124 धावांचे शानदार शतक झळकावले, ज्यात 10 चौकार आणि 3 षटकारांचा समावेश होता. मात्र, ही भागीदारी तुटताच सामना न्यूझीलंडच्या खिशात गेला आणि भारतीय संघ 46 षटकांत 296 धावांवर गारद झाला.

न्यूझीलंडकडून गोलंदाजीत ख्रिश्चन क्लार्क आणि झॅकरी फॉक्सने प्रत्येकी ३ बळी घेतले. जॅडन लेनॉक्सने 2 आणि काइल जेमिसनला 1 विकेट मिळाली.

एकूण परिणाम असा झाला की तिसऱ्या एकदिवसीय सामन्यात भारताचा 41 धावांनी पराभव झाला आणि न्यूझीलंडने मालिका 2-1 ने जिंकली.