Dussehra 2025 Shastra Puja: दसऱ्याला शस्त्रांची पूजा का करतात? जाणून घ्या महत्त्व आणि पूजेची पद्धत

दसरा हिंदू धर्मातील महत्त्वाच्या सणांपैकी एक आहे. आश्विन शुद्ध दशमीला दसरा सण साजरा केला जातो. या सणाला ‘विजयादशमी’ असे देखील म्हणतात. दसरा हा सण पराजय आणि धर्माचा विजय याचे प्रतीक मानला जातो. या दिवशी शस्त्रांची पूजा करण्याची प्रथा पाळली जाते. त्यानिमित्त यंदा दसरा कधी आहे आणि शस्त्रांची पूजा कशी करावी? ते जाणून घेऊया…

दसऱ्याचे महत्त्व
दसऱ्याच्या दिवशी भगवान रामाने रावणाचा वध केला आणि सीतेला परत आणले. त्यामुळे हा सण ‘रावण दहन’ म्हणून देखील साजरा करण्याची परंपरा आहे. महिषासुरासह अन्य राक्षसांना मारण्यासाठी दुर्गेने चंडीमातेचा अवतार घेऊन नऊ दिवस राक्षसांसोबत युद्ध केले होते. दशमीच्या दिवशी तिने महिषासुराचा वध केला आणि विजय मिळवला. तेव्हापासून आश्विन महिन्यातील दशमी तिथीला दसरा हा सण साजरा करण्यात येतो. त्यामुळे या सणाला अत्यंत महत्त्व असते. वर्षातील पवित्र दिवसांपैकी एक हा दिवस असतो.

आर्मुजा मुहुर्ता
यंदा दसरा गुरुवारी २ ऑक्टोबर रोजी आहे. यंदा शस्त्रपूजेचा शुभ मुहूर्त २ ऑक्टोबर रोजी दुपारी 02:02 ते 02:50 पर्यंत आहे.

शस्त्राची पूजा कशी करावी?

• सर्व शस्त्रे स्वच्छ करून एकाच ठिकाणी ठेवावे.
• त्यानंतर शस्त्रांवर गंगाजल शिंपडून हळद, कुंकू वाहावे.
• त्यावर कुंकवाचा टिका लावावा.
• त्यानंतर फुले, अक्षता अर्पण करून शस्त्रांची पूजा करा.
• या दरम्यान, “शस्त्र देवता पूजनम, रक्षाकर्ता पूजनम” या मंत्राचा जप करावा.

शस्त्रे उपासनेचे महत्त्व
दसऱ्याच्या दिवशी रावणाशी युद्ध करण्यापूर्वी रामाने त्यांच्या शस्त्रांची पूजा केली होती असे म्हणतात. पूर्वीपासून शस्त्रे धैर्य आणि शौर्याचे प्रतीक मानली जातात. त्यामुळे या दिवशी शस्त्रपूजनाला विशेष महत्त्व आहे. या दिवशी अगदी भारतीय सैन्याकडून देखील शस्त्रांची पूजा केली जाते. पूर्वीच्या काळी युद्धासाठी लागणाऱ्या शस्त्रांची पूजा करण्याची पद्धत असायची. आजकाल मात्र दैनंदिन जीवनात वापर केल्या जाणाऱ्या गोष्टींची शस्त्र म्हणून पूजा करतात. जसे की, मोबाईल, लॅपटॉप, चाकू, पुस्तक इत्यादी.