Gen Z Workplace Problems: ऑफिसमध्ये टिकत नाहीय Gen Z? तरुण कर्मचाऱ्यांना का लवकर काढत आहेत कंपन्या

आजच्या काळात Gen Z म्हणजे 1997 ते 2012 दरम्यान जन्मलेली पिढी खूप स्मार्ट, टेक्नॉलॉजीला सरावलेली आणि डिजिटल जगात सहज वावरणारी आहे. सोशल मीडिया, इंटरनेट आणि आधुनिक साधनांचा वापर ते अगदी सहज करतात. त्यामुळे अनेकांना वाटतं की ही पिढी कामाच्या बाबतीत खूप पुढे असेल. पण आता समोर आलेल्या एका अभ्यासामुळे अनेकांना धक्का बसला आहे. (gen z employees job issues companies firing)

अभ्यासात असं आढळून आलं आहे की अनेक कंपन्या Gen Z कर्मचाऱ्यांना नोकरीवर घेतल्यानंतर काही महिन्यांतच कामावरून काढत आहेत. यामागे अनेक कारणं पुढे आली आहेत. सर्वात मोठी समस्या म्हणजे कम्युनिकेशन स्किल्स. अनेक हायरिंग मॅनेजर्सच्या मते Gen Z कर्मचारी आपलं काम, अडचणी किंवा कल्पना नीटपणे सांगू शकत नाहीत.

एका सर्व्हेनुसार, 1000 हायरिंग मॅनेजर्सपैकी जवळपास निम्म्या मॅनेजर्सनी सांगितलं की तरुण कर्मचाऱ्यांना नवीन गोष्टी शिकणं आणि ऑफिसच्या वातावरणाशी जुळवून घेणं कठीण जात आहे. अनेकांना प्रोफेशनल वागणूक कशी ठेवायची, वेळ पाळणं, जबाबदारी घेणं हे नीट जमत नाही, असा देखील निष्कर्ष समोर आला आहे.

काही मॅनेजर्सनी सांगितलं की Gen Z कर्मचारी कामाचा ताण योग्य प्रकारे हाताळू शकत नाहीत. काम वेळेवर सुरू न करणं, सतत मोबाइलमध्ये गुंतलेलं राहणं, आणि फीडबॅक देण्यास टाळाटाळ करणं, या सवयी त्यांच्यासाठी अडचणीचं कारण ठरत आहेत. अनेक मॅनेजर्सच्या मते अशा सवयींमुळे टीमवर्क बिघडतं आणि ऑफिसचं वातावरणही बिघडतं.

अजून एक मोठी समस्या म्हणजे प्रोफेशनल वर्तनाचा अभाव. ऑफिसमध्ये कसं बोलायचं, मीटिंगमध्ये कसं वागायचं, वरिष्ठांशी कसं संवाद साधायचा, हे अनेक नव्या कर्मचाऱ्यांना नीट माहिती नसतं. त्यामुळे कंपन्यांना अशा कर्मचाऱ्यांना जास्त काळ टिकवून ठेवणं कठीण जात आहे.

सर्व्हेमध्ये असंही समोर आलं आहे की अनेक मॅनेजर्सना वाटतं की जुन्या पिढीतील कर्मचारी जबाबदारी, शिस्त आणि कामाची गंभीरता जास्त चांगल्या पद्धतीने सांभाळतात. यामुळे काही कंपन्या नवीन Gen Z उमेदवारांना नोकरी देताना आता अधिक विचार करत आहेत.

एकंदरीत पाहता, Gen Z पिढी स्मार्ट आहे, मेहनती आहे, पण ऑफिसमध्ये टिकण्यासाठी केवळ टेक्निकल ज्ञान पुरेसं नाही. वेळेचं भान, संवाद कौशल्य, प्रोफेशनल वागणूक आणि जबाबदारीची जाणीव असणंही तितकंच महत्त्वाचं आहे. अन्यथा, अनेक तरुणांना करिअरच्या सुरुवातीलाच मोठ्या अडचणींचा सामना करावा लागू शकतो.

(टीप: वरील माहिती केवळ माहितीसाठी आहे. ‘Tezzbuzz.com’ आणि ‘Only मानिनी’ यातील माहितीचा कोणताही दावा करत नाही.)