Health Tips : हिवाळ्यात सर्दी-खोकल्यावर रामबाण उपाय

सध्या हिवाळा सुरू झाला आहे. सगळीकडे गुलाबी थंडी पसरली असून या काळात अनेक जणांना सर्दी, खोकला, घशाची खवखव यांसारख्या त्रासांना सामोरं जावं लागतं. थंडीच्या दिवसांत आरोग्याची विशेष काळजी घेणे अत्यंत गरजेची असते. अशा वेळी आपल्या घरात सहज मिळणारा एक छोटासा पदार्थ या त्रासांवर प्रभावी उपाय ठरू शकतो, तो म्हणजे ज्येष्ठमधाची काडी. थोडा वेळ ज्येष्ठमध खल्ल्याने घसा शांत होतो आणि सर्दी-खोकल्यावर नैसर्गिक दिलासा मिळतो. आयुर्वेदात औषधी गुणांनी समृद्ध मानले जाणारे ज्येष्ठमध हे आरोग्यासाठी अत्यंत उपयुक्त आहे. विशेषतः रोज थोडा वेळ ज्येष्ठमध खल्ल्याने शरीराला अनेक नैसर्गिक फायदे मिळतात. घसा, पचन, रोगप्रतिकारशक्ती ते तणाव कमी करण्यापर्यंत ज्येष्ठमधाचा प्रभाव दिसून येतो. कमी खर्चात, सोप्या पद्धतीने करता येणारा हा उपाय अनेक छोट्या-मोठ्या आरोग्य समस्यांवर गुणकारी ठरतो. अशाच ज्येष्ठमध खल्ल्याचे महत्त्वाचे फायदे जाणून घेऊया. (benefits of licorice for health in winter)

1. घसा दुखणे आणि खवखव कमी होते
ज्येष्ठमधामध्ये घशाला आराम देणारे औषधी गुणधर्म असतात. नियमित चघळल्यास घशातील जळजळ आणि दुखणे हळूहळू कमी होते.

2. खोकला आणि सर्दीमध्ये आराम मिळतो
ज्येष्ठमध कफ विरघळवण्यास मदत करते. त्यामुळे कोरडा किंवा कफयुक्त खोकला कमी होण्यास उपयोग होतो.

3. आवाज बसणे कमी होते
ज्येष्ठमध घशातील ताण कमी करून आवाज स्वच्छ ठेवण्यास मदत करते. गायक, शिक्षक किंवा जास्त बोलणाऱ्यांसाठी हे अतिशय फायदेशीर आहे.

4. तोंडाची दुर्गंधी दूर होते
ज्येष्ठमधामध्ये नैसर्गिक अँटीबॅक्टेरियल गुणधर्म असतात. त्यामुळे तोंडातील जंतू कमी होऊन श्वास ताजातवाना राहतो.

5. पचनशक्ती सुधारते
ज्येष्ठमध चघळल्याने पचनसंस्था सक्रिय होते. आम्लपित्त, गॅस आणि अपचनाच्या त्रासात याचा चांगला फायदा होतो.

6. तोंडातील जखमा आणि अल्सर बरे होण्यास मदत
ज्येष्ठमध तोंडातील सूज व वेदना कमी करते. लहान जखमा किंवा तोंडातील अल्सर लवकर बरे होण्यास मदत मिळते.

7. तणाव आणि थकवा कमी होतो
ज्येष्ठमध शरीराला सौम्य उर्जा देण्याचे काम करते. त्यामुळे मानसिक तणाव कमी होऊन थकवा जाणवत नाही.

8. रोगप्रतिकारक शक्ती वाढवते
ज्येष्ठमधामध्ये प्रतिकारशक्ती वाढवणारे घटक असतात. त्यामुळे शरीर आजारांशी लढण्यास अधिक सक्षम बनते.

9. घशातील कोरडेपणा कमी होतो
ज्येष्ठमध घशाला ओलावा देण्यास मदत करते. सतत बोलल्यामुळे होणारा कोरडेपणा आणि खरखर कमी होते.

10. आयुर्वेदानुसार वात-पित्त संतुलित ठेवते
आयुर्वेदात ज्येष्ठमध वात आणि पित्त दोष शांत करणारे मानले जाते. त्यामुळे शरीरातील उष्णता कमी होऊन संतुलन राखले जाते.

Disclaimer : ही माहिती केवळ सामान्य ज्ञानासाठी प्रदान केली आहे. ‘Tezzbuzz.com’ आणि ‘Only मानिनी’ या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्यावा.

हेही वाचा: Benefits of Cardamom: दररोज वेलची खाल्ल्याने शरीरात होतात हे महत्त्वाचे बदल