Summer Workout : सकाळ की संध्याकाळ उन्हाळ्यात वर्कआऊट करण्याची योग्य वेळ कोणती?

प्रत्येक ऋतूत व्यायाम करणे खूप महत्वाचे आहे. यामुळे तुम्ही शारीरिकच नव्हे तर मानसिकदृष्ट्याही निरोगी राहता. मात्र उन्हाळ्यामध्ये वर्कआऊट करण्याची सर्वोत्तम वेळ कोणती? वर्कआऊट सकाळी करावा की संध्याकाळी, आरोग्याच्या दृष्टीने सर्वात चांगली वेळ कोणती असेल हे जाऊन घेऊयात. (The best time to work out during the summer)

सर्वोत्तम वेळ कोणती आहे?
उन्हाळ्यात वर्कआऊट करताना काही गोष्टी लक्षात ठेवणे अत्यंत आवश्यक आहे. सकाळची वेळ ही या दिवसात व्यायामासाठी सर्वोत्तम मानतात . म्हणजेच जेव्हा सूर्याची किरणे फार तीव्र नसतात. जे तासन्तास व्यायाम करतात त्यांच्यासाठी सकाळची वेळ चांगली असते, कारण यावेळी शरीराच्या उष्णतेसोबतच तुम्हाला थंडीपासून आराम मिळतो. मात्र जास्त उकाड्यात वर्कआउट करणं टाळा.

याशिवाय, जर तुम्हाला फक्त संध्याकाळी व्यायामासाठी वेळ मिळत असेल, तर उन्हाळ्यात जास्त वेळ व्यायाम करणे टाळण्याचा प्रयत्न करा, कारण जेव्हा हवामान गरम होते तेव्हा तुम्हाला अनेक समस्या आणि डिहायड्रेशनचा सामना करावा लागू शकतो. यामुळे हृदय आणि मूत्रपिंडांवर अधिक भार पडतो, ज्यामुळे आरोग्याशी संबंधित अनेक समस्या उद्भवू शकतात.

सकाळी वर्कआऊट
सकाळी लवकर व्यायाम केल्याने अनेक आरोग्य फायदे मिळतात. यावेळी वातावरणात ऑक्सिजनचे प्रमाण जास्त असते, अशा स्थितीत तुमचे मनही मोकळ्या हवेत शांत आणि ताजेतवाने राहते. असे मानले जाते की सकाळच्या व्यायामामुळे झोपेची गुणवत्ता देखील सुधारते. याशिवाय, ते तुमची चयापचय वाढवण्यास देखील मदत होते.

संध्याकाळी वर्कआऊट
बरेच लोक संध्याकाळी व्यायाम देखील करतात. ज्यांना लवकर उठायला आवडत नाही किंवा ज्यांना ऑफिस किंवा कॉलेजच्या व्यस्त वेळापत्रकात सकाळच्या वर्कआउटसाठी वेळ काढता येत नाही त्यांच्यासाठी संध्याकाळी वर्कआउट हा एक चांगला पर्याय आहे. यावेळी व्यायाम केल्याने मेंदूतील कोर्टिसोल नावाच्या स्ट्रेस हार्मोनची पातळी कमी होते, ज्यामुळे तुम्हाला अधिक आराम मिळतो.

व्यायाम करताना काय काळजी घ्यावी?
वर्कआउटच्या आधी आणि नंतर पाणी पिण्याची काळजी घ्या. बराच वेळ घसा कोरडा ठेवल्याने तुम्ही डिहायड्रेशनची समस्या होऊ शकते. वर्कआऊट दरम्यान
ओला टॉवेल सोबत ठेवा. व्यायामानंतर शरीरातील पाणी कमी होण्याची शक्‍यता असते. त्यामुळे व्यायाम करताना शरीरातील पाणी कमी होणार नाही, याकडे लक्ष द्यावे लागेल. दीड ते दोन तासांच्या व्यायाम सत्रात कमीत कमी एक ते दीड लीटर पाणी जरूर घ्या.