हल्ली बदलत्या लाईफस्टाईलमुळे वयोवृद्धांसह तरुणांनाही आरोग्याच्या विविध समस्या जाणवत आहेत. त्यामुळे आरोग्याची काळजी घेण्यासाठी आणि आरोग्याबद्दल जागरूकता वाढवण्याकरता प्रोत्साहित करण्यासाठी जगभरात ‘जागतिक आरोग्य दिन’ साजरा केला जातो. दरवर्षी 7 एप्रिल रोजी साजरा केला जाणारा जागतिक आरोग्य दिन जगभरात आरोग्यविषयक सुविधा आणि जागरूकता वाढवण्यासाठी ओळखला जातो. आजच्या लेखातून जाणून घेऊयात जागतिक आरोग्य दिन का साजरा केला जातो? त्याचे महत्त्व काय ? आणि यावर्षीची थीम काय?
जागतिक आरोग्य दिन साजरा करण्याची सुरुवात जागतिक आरोग्य संघटनेने म्हणजेच WHO = (जागतिक आरोग्य संघटना) 1950 मध्ये केली होती. लोकांमध्ये त्यांच्या आरोग्याबद्दल जागरूकता निर्माण करणे हा त्याचा मुख्य उद्देश आहे.
जागतिक आरोग्य दिन कधीपासून सुरू झाला?
7 एप्रिल रोजी जागतिक आरोग्य दिन साजरा करण्यामागील कारण म्हणजे 1948 मध्ये याच दिवशी जागतिक आरोग्य संघटनेची स्थापना झाली होती. ज्याचा उद्देश जगभरातील कोणत्याही मोठ्या आरोग्य समस्येवर लक्ष ठेवणे आणि त्यांना सामोरे जाणे आहे. या जागतिक संघटनेच्या स्थापनेपासून अवघ्या दोन वर्षांनी जागतिक आरोग्य दिन साजरा केला गेला आणि तेव्हापासून तो दरवर्षी 7 एप्रिललाच साजरा केला जातो.
जागतिक आरोग्य दिनाचा उद्देश
जगभरातील लोकांना त्यांच्या आरोग्याबद्दल जागरूक करणे हा त्याचा मुख्य उद्देश आहे. जगात आजारी असलेल्या लाखो लोकांची संख्या झपाट्याने वाढत आहे, ही चिंतेची बाब आहे. ज्यामध्ये टीबी, पोलिओ, कर्करोग, एड्स आणि अनेक प्रकारचे संसर्गजन्य रोग समाविष्ट आहेत. या सर्व आजारांना लक्षात घेऊन, जागतिक आरोग्य दिनाचे मुख्य उद्दिष्ट लोकांना निरोगी राहण्याबद्दल जागरूक करणे आहे.
जागतिक आरोग्य दिन 2026 थीम
दरवर्षी जागतिक आरोग्य दिन साजरा करण्यासाठी एक विशेष थीम तयार केली जाते, ज्याचा उद्देश लोकांचे लक्ष एखाद्या विशिष्ट विषयावर केंद्रित करणे आहे. या वर्षी जागतिक आरोग्य दिनाची थीम आरोग्यासाठी एकत्र. विज्ञानासोबत उभे राहा” (आरोग्यसाठी एकत्र. विज्ञानाच्या पाठीशी उभे राहा)
हेही वाचा – DDH Symptoms : वरूण धवनच्या मुलीला झालेला Hip Dysplasia आजार नेमका काय?
Comments are closed.