प्रत्येक व्यक्तीकडून जीवनात कधी ना कधी कळत नकळत काही ना काही चुका होतात. यात काही चुका नगण्य असतात तर काही गंभीर स्वरुपाच्या . जसे की कधी आपल्या बोलण्याने कोणी दुखावतं तर कधी आपल्या एखाद्या कृत्याने कोणी दुरावतं. ज्यामुळे मनात अपराधीपणाची भावना निर्माण होते. पण अशी भावना मनात येणे ही प्रत्येक वेळी वाईट नसते. तर अपराधी भावना माणसाला स्वतःमध्ये बदल घडवून आणण्याची संधी देते.
1. योग्य-अयोग्याची जाणीव होते
अपराधी भावना आपल्या नैतिक मूल्यांची आठवण करून देते. आपण कुठे चुकलो हे समजते.
2. स्वतःचे आत्मपरीक्षण करण्याची सवय लागते
“मी असे का केले?” हा प्रश्न माणसाला स्वतःकडे प्रामाणिकपणे पाहायला शिकवतो.
3. तीच चूक पुन्हा होण्याची शक्यता कमी होते
चुकीतून शिकणारा माणूस पुढच्या वेळी अधिक जबाबदारीने वागतो.
4. नातेसंबंध सुधारण्यास मदत होते
चूक मान्य करून मनापासून माफी मागणारी व्यक्ती इतरांचा विश्वास पुन्हा जिंकू शकते.
5. व्यक्ती अधिक परिपक्व बनते
स्वतःच्या चुका स्वीकारणारी व्यक्ती अहंकारापेक्षा नम्रता आणि जबाबदारीला महत्त्व देते.
अपराधी भावना माणसात कसा बदल घडवते?
स्वतःची जबाबदारी स्वीकारायला शिकवते.
निर्णय घेण्याची क्षमता अधिक विचारपूर्वक बनवते.
सहानुभूती आणि संवेदनशीलता वाढवते.
चांगल्या सवयी अंगीकारण्याची प्रेरणा देते.
मानसिक आणि भावनिक परिपक्वता वाढवते.
अपराधी भावना बदल घडवण्यासाठी असावी, स्वतःला कायम दोष देण्यासाठी नाही. चूक मान्य करावी, शक्य असेल तिथे ती दुरुस्त करावी, संबंधितांची माफी मागावी आणि त्या अनुभवातून शिकून पुढे जावे.
Comments are closed.