मेकअपची आवड असली की लिपस्टिक, फाउंडेशन, ब्रश, आयशॅडो, स्किनकेअर असे अनेक प्रॉडक्ट्स हळू हळू घरात जमा होतात. पण घाईत तयार होताना हेच सामान ड्रेसिंग टेबलवर विखुरलेलं दिसतं आणि हवी ती वस्तू शोधण्यात बराच वेळ जातो. अशा वेळी सोशल मीडियावर चर्चेत असलेला ‘Makeup Drawer Rule’ तुमच्यासाठी उपयुक्त ठरू शकतो. हा फक्त सामान ठेवण्याचा नियम नाही, तर तुमची व्हॅनिटी अधिक नीटनेटकी, स्वच्छ आणि वापरण्यास सोपी बनवणारा स्मार्ट ऑर्गनायझिंग हॅक आहे.
काय आहे ‘Makeup Drawer Rule’?
या नियमाचा अर्थ म्हणजे मेकअप आणि स्किनकेअर प्रॉडक्ट्स त्यांच्या प्रकारानुसार वेगवेगळ्या विभागात व्यवस्थित ठेवणे. उदाहरणार्थ, एका कप्प्यात फक्त लिपस्टिक आणि लिप बाम दुसऱ्यात फाउंडेशन, कन्सीलर आणि कॉम्पॅक्ट तिसऱ्यात आयलाइनर, मस्कारा आणि आयशॅडो तर चौथ्यात ब्रश आणि मेकअप टूल्स ठेवणे. यामुळे प्रत्येक वस्तूची निश्चित जागा ठरते आणि ती शोधण्यासाठी वेळ वाया जात नाही.
वापरातल्या वस्तू वेगळ्या ठेवा
ऑफिस, कॉलेज किंवा रोजच्या वापरातील मेकअप प्रॉडक्ट्ससाठी एक वेगळा छोटा ड्रॉअर किंवा बॉक्स ठेवा. त्यामुळे दररोज संपूर्ण मेकअप किट उघडण्याची गरज पडणार नाही.
सेपरेटर किंवा छोटे बॉक्स
एकाच ड्रॉअरमध्ये सर्व वस्तू टाकण्याऐवजी प्लास्टिक किंवा अॅक्रेलिक सेपरेटर वापरा. यामुळे लिपस्टिक, ब्रश, आय पेन्सिल आणि इतर प्रॉडक्ट्स एकमेकांत मिसळत नाहीत.
एक्सपायरी डेट तपासा
दर दोन-तीन महिन्यांनी व्हॅनिटी आवरा. एक्सपायर झालेली किंवा वापरात नसलेली प्रॉडक्ट्स वेगळी काढा. यामुळे जागा मोकळी राहते आणि त्वचेच्या समस्यांचाही धोका कमी होतो.
आवश्यक वस्तू ठेवा
सर्व मेकअप बाहेर ठेवण्याऐवजी फक्त रोज लागणाऱ्या वस्तूच टेबलवर ठेवा. बाकीचं सामान ड्रॉअरमध्ये ठेवल्यास ड्रेसिंग एरिया अधिक स्वच्छ आणि आकर्षक दिसतो.
सुंदर मेकअप करण्याइतकंच महत्त्वाचं आहे तो व्यवस्थित ठेवणं. ‘Makeup Drawer Rule’ फॉलो केल्यास तुमची व्हॅनिटी अधिक नीटनेटकी, वेळेची बचत करणारी आणि वापरण्यास सोयीची बनेल. त्यामुळे पुढच्या वेळी ड्रेसिंग टेबल आवरताना हा सोपा नियम वापरून पाहा.
Comments are closed.