भारतीय संघाचे माजी प्रशिक्षक रवी शास्त्री यांनी रोहित शर्माच्या निवृत्ती विषयी मोठं वक्तव्य केलं आहे. रवी शास्त्री यांनी सांगितलं आहे की, रोहित खूप आधीच निवृत्ती घेणार होता. शास्त्री यांनी गौतम गंभीरच्या एका निर्णयावर देखील प्रश्नचिन्ह उपस्थित केले आहे. रवी शास्त्री यांनी आयसीसी रिव्ह्यूमध्ये संजना गणेशनशी बोलताना म्हटले, जर मी बॉर्डर गावस्कर ट्रॉफी दरम्यान प्रशिक्षक असतो, जो अंतिम सामना सिडनीमध्ये खेळला गेला होता त्या सामन्यात मी रोहित शर्माला नक्कीच खेळवले असते.
रवी शास्त्री यांनी सांगितले की, रोहित शर्माने क्रिकेट मधून निवृत्ती घेण्याचा निर्णय ऑस्ट्रेलियामध्ये बॉर्डर गावस्कर ट्रॉफी पराभूत झाल्यानंतरच घेतला होता. कारण या पराभवानंतर आयसीसी विश्व टेस्ट चॅम्पियनशिपमधून भारत बाहेर झाला होता. रोहित शर्माने भारतच्या इंग्लंड दौऱ्याआधी 7 मे 2025 रोजी कसोटी क्रिकेट मधून निवृत्तीचा निर्णय घेतला.
शास्त्री यांनी म्हटले की, आयपीएल सामन्यादरम्यान माझी रोहित शर्मा सोबत बातचीत झाली आणि माझ्या मनात काही दिवसांपासून एक गोष्ट होती, जी मी त्याच्याशी शेअर केली. त्यांनी सांगितले की, मी रोहितच्या खांद्यावर हात ठेवला आणि म्हटलं जर मी त्यावेळी प्रशिक्षक असतो तर तुला शेवटच्या कसोटी सामन्यात नक्कीच खेळवले असते, कारण मालिका तेव्हा संपली नव्हती.
रवी शास्त्री म्हणाले, की मी असा व्यक्ती नाही जो मालिकेत 2-1 स्कोर झाला तरीही हार मानेल. रोहित शर्माने ऑस्ट्रेलियामध्ये त्याच्या काही कारणांनी पहिला कसोटी सामना खेळला नव्हता. या सामन्यात जसप्रीत बुमराहला कर्णधार पदाची जबाबदारी देण्यात आली होती. नंतर दुसऱ्या कसोटी सामन्यात रोहित परत आला तेव्हा भारतीय संघ तो सामना पराभूत झाला. नंतर तिसरा सामना रद्द झाला आणि चौथ्या सामन्यात पुन्हा ऑस्ट्रेलियाचा विजय झाला. भारत या मालिकेत 2-1 ने मागे राहिला, यानंतर सिडनीमध्ये खेळल्या गेलेल्या पाचव्या सामन्यात रोहित शर्माला बाहेर बसवण्यात आले होते.
Comments are closed.