मोठ्या शहरांपेक्षा गावागावात पतंजलीचा एकच डंका, मागणी प्रचंड वाढली, पतंजलीच्या कमाईची बड्या कंप

पतंजली व्यवसाय बातम्या: पतंजली फूड्स लिमिटेडने (PFL) 31 मार्च 2025 रोजी संपलेल्या आर्थिक वर्षासाठी आपले ऑडिटेड आर्थिक निकाल जाहीर केले आहेत. यामध्ये कंपनीने आतापर्यंतचा सर्वाधिक तिमाही महसूल 9,692.21 कोटी रुपयांचा टप्प गाठला असून याचे ऑपरेशनल मार्जिन 5.87% एवढं होतं.  568.88 कोटी रुपये EBITDA कमावला. जो पतंजलीच्या बाजारपेठेतील वाढत्या मागणीचं आणि कंपनीच्या मजबूत प्रतिबिंब आहे. (Business)

सलग पाचव्या तिमाहीत ग्रामीण भारतात ग्राहकांची मागणी शहरी भागांपेक्षा अधिक राहिली. ग्रामीण भागातील मागणी ही शहरी भागातील मागणीपेक्षा चार पट वेगाने वाढली आहे. मात्र, तिमाहीच्या आधारावर मागणीत थोडी घट पाहायला मिळाली.  होम आणि पर्सनल केअर (HPC) विभाग नोव्हेंबर 2024 मध्ये पूर्णपणे एकत्र करण्यात आला असून याचा EBITDA मार्जिन 15.74% आहे. हा विभाग पतंजलीच्या शुद्ध FMCG कंपनी बनण्याच्या दिशेने महत्त्वपूर्ण टप्पा ठरतोय.

कंपनीचा एकूण नफा वर्षानुवर्षे वाढताहेत

कंपनीचा एकूण नफा मागील वर्षाच्या 1,206.92 कोटी रुपयांवरून 1,656.39 कोटी रुपयांपर्यंत वाढला आहे. ज्यामुळे अनुकूल किंमत वातावरणामुळे 17% एकूण नफा मार्जिनसह 254 बेसिस पॉईंटसी वाढ झाली. करपश्चात नफा लक्षणीयरीत्या वाढून  73.78% झाला. मार्जिन 121 बेसिस पॉईंटसनी वाढून 3.68% मार्जिनवर पोहोचला.

पतंजलीने 29 देशांमध्ये 73.44 कोटी रुपयांची निर्यात केली. न्यूट्रास्युटिकल्स विभागाची तिमाही विक्री 19.42 कोटी रुपये झाली असून ग्राहकांचा चांगला प्रतिसाद लाभला आहे. हे मोठ्या प्रमाणात केलेल्या जाहिरात आणि उत्पादन पुर्नस्थितीकरण उपक्रमांचे परिणाम आहे. Q4FY25 मध्ये कंपनीने जाहिरात व विक्रीसाठी महसुलाच्या 3.36% खर्च केला. हे ब्रँड बिल्डिंगसाठी तिच्या आक्रमक दृष्टिकोनाचे प्रतिबिंब आहे.

वितरण नेटवर्कमध्ये वाढ

कंपनीने ई-कॉमर्स, क्विक कॉमर्ससह नवीन विक्री चॅनलमध्ये आपली उपस्थिती वाढवली आहे. सामान्य व्यापारापासून आधुनिक व्यापार, ई-कॉमर्स आणि जलद व्यापार यासारख्या उदयोन्मुख माध्यमांकडे लक्षणीय बदल झाला. पतंजलीने लक्ष्यित उपक्रम आणि चॅनेल भागीदारांशी सखोल संबंध निर्माण करून या उदयोन्मुख चॅनेल्समध्ये आपले वितरण नेटवर्क मजबूत करण्यासाठी पावले उचलली आहेत.

पवन ऊर्जा क्षेत्रातून 5.53 कोटी रुपये रुपयांचा महसूल मिळवला  आणि उत्तराखंडमधील बिस्किट युनिटमध्ये सौरऊर्जेचा वापर सुरू आहे. महागाईत घट झाली असली तरी कुटुंबे सावध राहली आणि बचत करण्यास प्राधान्य दिल्याने ग्राहकांची मागणी कमी झाली.

गुणवत्ता, नवोपक्रम आणि शाश्वततेवर भर

पतंजली फूड्स लिमिटेडचे व्यवस्थापकीय संचालक म्हणाले, “आमचे लक्ष गुणवत्ता, नावीन्य आणि शाश्वततेवर आहे. आमचे धोरणात्मक उपक्रम, विशेषतः एचपीसी आणि न्यूट्रास्युटिकल्स विभागांमध्ये, आम्हाला एक आघाडीची एफएमसीजी कंपनी म्हणून स्थापित करत आहेत.”

हेही वाचा:

Stock Market : विदेशी संस्थात्मक गुंतवणूकदारांनी तिजोरी उघडली, भारतीय बाजारातून हजारो कोटी रुपयांच्या शेअरची खरेदी, जाणून घ्या

अधिक पाहा..