सुप्रिया सुप्रा, अरविंद सावंत 'संसदारत्ना' – तारुन भारत

वृत्तसंस्था/ नवी दिल्ली

संसदेत उल्लेखनीय योगदान देणाऱ्या 17 खासदार आणि दोन संसदीय स्थायी समित्यांची ‘संसदरत्न पुरस्कार-2025’साठी निवड करण्यात आली आहे. महाराष्ट्रातील सर्वाधिक खासदारांना हा पुरस्कार मिळाला असून सुप्रिया सुळे, अरविंद सावंत, श्रीरंग बारणे यांच्यासह सात जणांनी या यादीत स्थान मिळवले आहे. तसेच उत्कृष्ट कार्यासाठी चार खासदारांचा सन्मान करण्यात आला असून त्यात सुप्रिया सुळे यांचा समावेश आहे. त्यांना सातत्याने चांगली कामगिरी केल्याबद्दल विशेष पुरस्काराने गौरविण्यात येणार आहे.

संसदरत्न पुरस्कार सदस्यांचा संसदेतील सक्रिय उपस्थिती, चर्चेतील सहभाग, प्रश्न विचारणे आणि कायदेविषयक कामात योगदान या आधारावर दिले जातात. हा पुरस्कार प्राइम पॉइंट फाउंडेशनने सुरू केला आहे. या वर्षीच्या विजेत्यांची निवड हंसराज अहिर (अध्यक्ष, राष्ट्रीय मागासवर्गीय आयोग) यांच्या अध्यक्षतेखालील ज्युरी समितीने केली आहे. लोकशाही बळकट करण्यासाठी संसदेत उल्लेखनीय योगदान देणाऱ्या खासदारांना हे पुरस्कार दिले जातात.

उत्कृष्ट कार्यासाठी चार खासदारांचा सन्मान

संसदीय लोकशाहीमध्ये त्यांच्या उत्कृष्ट आणि शाश्वत योगदानाबद्दल चार खासदारांना विशेष सन्मानित केले जाईल. यामध्ये भर्तृहरी महताब (भाजप), सुप्रिया सुळे (राष्ट्रवादी-शरद पवार गट), एन. के. प्रेमचंद्रन (आरएसपी), श्रीरंग आप्पा बारणे (शिवसेना) यांचा समावेश आहे. प्राइम पॉइंट फाउंडेशनच्या मते, हे चार खासदार 16 व्या आणि 17 व्या लोकसभेत संसदेत सर्वोत्तम कामगिरी करण्रायांपैकी एक आहेत. त्यांच्या सध्याच्या कार्यकाळातही ते सतत सक्रिय असल्याचे दिसन येत आहे.

17 पुरस्कार विजेत्यांपैकी उर्वरित 13 खासदारांची त्यांच्या विशिष्ट संसदीय कामकाजासाठी ‘संसदरत्न’ म्हणून निवड करण्यात आली आहे. यामध्ये अनेक राजकीय पक्षांचे प्रतिनिधी समाविष्ट आहेत. या खासदारांनी संसदेत प्रश्न विचारून, चर्चेत भाग घेऊन आणि विधेयकांवर सूचना देऊन महत्त्वाची भूमिका बजावली आहे.

दोन स्थायी समित्यांचाही गौरव

त्याव्यतिरिक्त यावर्षी, दोन संसदीय स्थायी समित्यांनाही संसदरत्न पुरस्काराने सन्मानित केले जाईल. भर्तृहरी महताब यांच्या नेतृत्त्वातील वित्त स्थायी समिती आणि चरणजित सिंह चन्नी यांच्या नेतृत्त्वातील कृषी स्थायी समितीचा गौरव होणार आहे. वित्त स्थायी समितीने संसदेला आर्थिक धोरणांवरील अनेक प्रभावी आणि अभ्यासपूर्ण अहवाल सादर केले आहेत. तर कृषी स्थायी समितीने शेतकऱ्यांच्या समस्या आणि कृषी सुधारणांवर ठोस सूचना संसदेत मांडल्या आहेत.

विशेष पुरस्कारप्राप्त खासदार

भारतीहारी महाताब (भाजपा)

सुप्रिया सुळे (राष्ट्रवादी-शरद पवार गट)

च्या एन. प्रेमचंद्रन (आरएसपी)

श्रीरंग आप्पा बारणे (शिवसेना)

संसदरत्न विजेते इतर खासदार

स्मिता वाघ (भाजप)

अरविंद सावंत (शिवसेना युबीटी)

नरेश गणपत म्हस्के (शिवसेना)

वर्षा गायकवाड (काँग्रेस)

मेधा कुलकर्णी (भाजप)

प्रवीण पटेल (भाजप)

रवी किशन (भाजप)

निशिकांत दुबे (भारजप)

वीज बारन महाटा (भाजपा)

पी. पी. चौधरी (भाजप)

मदन राठोड (भाजप)

सी.एन. अण्णादुराई (डीएमके)

दिलीप सायकिया (भाजपा)