कोलंबियामध्ये राष्ट्रपतीपदाचे उमेदवार मिगुएल उरीबे यांच्यावर जीवघेणा हल्ला, 15 वर्षांच्या मुलाने डोक्यात गोळी झाडली

कोलंबियामध्ये राष्ट्रपतीपदाचे उमेदवार मिगुएल उरीबे यांच्यावर जीवघेणा हल्ला झाला आहे. बोगोटा येथे एका प्रचार सभेदरम्यान त्यांच्यावर गोळीबार झाल्याची धक्कादायक घटना समोर आली आहे. यात ते गंभीर जखमी झाले असून त्यांची प्रकृती चिंताजनक असल्याची माहिती मिळतेय. या प्रकरणी 15 वर्षांच्या एका अल्पवयीन मुलाला अटक करण्यात आली आहे.

कोलंबियाचे अध्यक्षपदाचे उमेदवार मिगुएल उरीबे बोगोटामध्ये शॉट

वाचा @ानी कथा | https://t.co/veqHqampj6#बोगोटा #Migueluribe #Colombia pic.twitter.com/o8bqpt4asa

– किंवा डिजिटल (@anian_digital) 8 जून, 2025

मिगुएल उरीबे हे डेमोक्रॅटिक सेंटर पक्षाचे राष्ट्रपतीपदाचे उमेदवार आहेत. शनिवारी बोगोटा येथे एका उद्यानामध्ये आयोजित प्रचारसभेला संबोधित करत असताना हल्लेखोराने त्यांच्यावर गोळीबार केला. जवळून झाडलेली गोळी त्यांच्या पाठीत आणि डोक्यात घुसली. यानंतर उरीबे हे रक्तबंबाळ अवस्थेत मंचावर कोसळले. याचा व्हिडीओही सोशल मीडियावर व्हायरल झाला आहे.

एका मोहिमेच्या कार्यक्रमादरम्यान कोलंबियाच्या अध्यक्षपदाचे उमेदवार मिगुएल उरीबे टर्बेने बोगोटाच्या मॉडेलिया शेजारच्या फोंटीबॅनमध्ये डोक्यात शूट केले. अज्ञात बंदूकधारी व्यक्तीने हल्ला केला, त्याची प्रकृती गंभीर आहे. #Colombia_shooting pic.twitter.com/9zofrr9qff

– जिओटाचवार (@जीटाचवार) 8 जून, 2025

दरम्यान, अचानक झालेल्या या गोळीबारामुळे सभास्थळी प्रचंड गोंधळ उडाला. उरीबे यांच्या अंगरक्षकांनी तात्काळ त्यांना सावरले आणि हल्लेखोराच्या दिशेने गोळीबार केला. या चकमकीदरम्यान काही नागरीकही जखमी झाले.

15 वर्षांच्या मुलाला अटक

बोगोटाचे महापौर कार्लोस गालान यांनी उरीबे यांच्यावर हल्ला करणाऱ्याला ताब्यात घेण्यात आल्याची माहिती दिली आहे. अटक करण्यात आलेला हल्लेखोर फक्त 15 वर्षांचा असून त्याने हे कृत्य का केले याबाबत अद्याप माहिती मिळालेली नाही. दुसरीकडे उरीबे यांना तात्काळ रुग्णालयात दाखल करण्यात आले असून त्यांची प्रकृती चिंताजनक आहे.