(Mumbra accident) मुंबई : मुंब्रा स्थानकाजवळ सोमवारी सकाळी साडेआठच्या सुमारास लोकल ट्रेनमधून 8 प्रवासी पडल्याची माहिती रेल्वे प्रशासनाने दिली आहे. त्यापैकी पाच प्रवाशांचा मृत्यू झाल्याची प्राथमिक माहिती आहे. या दुर्घटनेवरून विरोधक आक्रमक झाले आहेत. मुंबईतील रेल्वे नेटवर्क सुरक्षित नसल्याचा आरोप करत काँग्रेस खासदार वर्षा गायकवाड यांनी रेल्वेमंत्री अश्विनी वैष्णव यांच्या राजीनाम्याची मागणी केली आहे. (Varsha Gaikwad demands resignation of Railway Minister Ashwini Vaishnaw)
खासदार वर्षा गायकवाड यांनी ‘X’ या सोशल मीडिया प्लॅटफॉर्मवर यासंदर्भात पोस्ट केली आहे. ही अतिशय धक्कादायक आणि दु:खद घटना आहे. गर्दीमुळे रेल्वेतून पाच प्रवासी खाली पडून मृत्यूमुखी पडले, पण हे पूर्णपणे टाळता येण्यासारखं होते. मुंबईतील रेल्वे नेटवर्क, मग ते उपनगरी असो वा लांबपल्ल्याच्या गाड्या असो, अजूनही सुरक्षित नसल्याचे या दुर्घटनेने पुन्हा एकदा अधोरेखित केले आहे. वाढती गर्दी, व्यवस्थापनातील निष्काळजीपणा आणि अपुऱ्या सोयीसुविधा यामुळे दररोज हजारो प्रवाशांचे प्राण धोक्यात येतात. हे प्रश्न आम्ही अनेकदा संसदेतही उपस्थित केले असल्याचे त्यांनी म्हटले आहे.
ही अतिशय धक्कादायक आणि दु:खद घटना आहे. गर्दीमुळे रेल्वेतून पाच प्रवासी खाली पडून मृत्यूमुखी पडले, हे पूर्णपणे टाळता येण्यासारखं होतं. मृतांच्या कुटुंबीयांप्रती मी संवेदना व्यक्त करते.
ही दुर्घटना पुन्हा एकदा अधोरेखित करते की मुंबईतील रेल्वे नेटवर्क मग ते उपनगरी असो वा लांब… pic.twitter.com/LPDenCHznB
— Prof. Varsha Eknath Gaikwad (@VarshaEGaikwad) June 9, 2025
रेल्वेला आता सोशल मीडियावरच्या ‘रील्स’ नव्हे, तर रिअल कामाची गरज आहे. अनेक दुर्घटनांनंतरही जबाबदारी घेण्याची तयारी सरकारमध्ये नाही, ही अत्यंत गंभीर बाब आहे, असे सांगतानाच, या अपघाताच्या सखोल चौकशीसह मृतांच्या कुटुंबीयांना योग्य नुकसानभरपाई, जखमींना संपूर्ण उपचार आणि प्रवाशांच्या सुरक्षेसाठी तातडीने उपाययोजना करण्यात याव्यात, अशी मागणी वर्षा गायकवाड यांनी केली आहे. यासोबतच, या अपयशाची नैतिक जबाबदारी स्वीकारून रेल्वेमंत्र्यांनी तत्काळ राजीनामा द्यावा, अशी ठाम मागणीही त्यांनी केली आहे.
रेल्वे काय सांगते?
मुंब्रा येथे झालेल्या घटनेबाबत रेल्वे प्रशासनाने पत्रकार परिषद घेऊन माहिती दिली. अप आणि डाऊन दिशेने जाणाऱ्या लोकलमधील 8 प्रवासी दिवा आणि मुंब्रा स्थानकाजवळ एकमेकांना घासून खाली पडले. हे सर्व प्रवासी फूटबोर्डवर प्रवास करत होते. सकाळी 9.30 वाजता ही घटना घडली तर 9.50 वाजता याठिकाणी रुग्णवाहिका पाठवण्यात आली, असे मध्य रेल्वेचे सीपीआरओ स्वप्नील निला यांनी सांगितले.
हेही वाचा – Mumbra Accident : मुंब्रा येथील अपघातात 8 प्रवासी खाली पडून 5 जणांचा मृत्यू, मध्य रेल्वेने दिली माहिती
Comments are closed.