अहमदाबाद विमान अपघाताची बातमी येताच संपूर्ण देश हादरून गेला. 12 जून रोजी या अपघातात 241 विमानातील प्रवाशांना आपला जीव गमवावा लागला. अलिकडेच अभिनेत्री मंदिरा बेदीनेही या प्रकरणावर उघडपणे भाष्य केले आहे. तिने सांगितले की, या अपघाताच्या बातमीने ती आतून पूर्णपणे कोलमडून गेली होती.
अहमदाबादहून लंडनला जाणाऱ्या विमानाच्या अपघातात अनेकांना आपला जीव गमवावा लागला आहे. या घटनेचा अनेक लोकांवर खूप वाईट परिणाम झाला आहे. यामध्ये अभिनेत्री मंदिरा बेदीचे नावही समाविष्ट आहे. अलीकडेच तिने या घटनेच्या परिणामाबद्दल भाष्य केले आहे. तिने सांगितले की तिला या घटनेने खूप धक्का बसला. यातून बाहेर पडण्यासाठी तिला चक्क एक महत्त्वाचे पाऊल उचलावे लागले. अनेक मोठ्या स्टार्सनीही या घटनेवर पोस्ट शेअर करून शोक व्यक्त केला आहे.
अलीकडेच, मंदिराने तिच्या सोशल मीडियावर एक पोस्ट शेअर केली. त्यात तिने सांगितले की, या धक्क्यातून बाहेर पडण्यासाठी तिला एका समुपदेशकाची मदत घ्यावी लागली. अभिनेत्रीने सांगितले की, ही घटना काही केल्या तिच्या डोक्यातून जात नव्हती. तिला या घटनेमुळे मानसिक त्रास झाल्यामुळे तिच्या कामावर आणि रोजच्या जगण्यावर परीणाम होत होता. म्हणूनच तिने स्वतःला सावरत समुपदेशकाची भेट घेण्याचे ठरवले.
मंदीराने तिच्या अधिकृत इंस्टाग्रामवर स्वतःचा एक व्हिडिओ शेअर केला. ती म्हणाली, अहमदाबाद विमान अपघातापासून माझ्या छातीवर सतत ओझे आहे. ती पुढे म्हणाली की मी ठरवले आहे की मी एकटीने याचा सामना करणार नाही आणि समुपदेशकाशी बोलेन. तुम्हालाही दुःख, चिंता किंवा तणाव वाटत असेल तर समजून घ्या की, तुम्ही एकटे नाही आहात!
Comments are closed.