राज्याच्या प्रशासनात बदल्यांचे सत्र सुरुच असून आज चार IAS अधिकाऱ्यांच्या बदल्या करण्यात आल्या आहेत. या बदल्यांमध्ये मुंबई, ठाणे, अमरावती, वर्धा, नागपूर आणि बीड येथील प्रशासकीय पदांवर नव्या नियुक्त्या करण्यात आल्या आहेत.
कोणत्या अधिकारीही कुठे झाली बदली?
पराग सोमन (आयएएस:एससीएस:2014): मुंबई मेट्रो रिजन स्लम रिहॅबिलिटेशन अथॉरिटी, ठाणे येथील मुख्य कार्यकारी अधिकारी (CEO) असलेले पराग सोमन यांची आता वर्धा जिल्हा परिषदेच्या मुख्य कार्यकारी अधिकारीपदी नियुक्ती करण्यात आली आहे.
सचिन कालंत्रे (आयएएस:एससीएस:2014): अमरावती महानगरपालिकेचे आयुक्त असलेले सचिन कालंत्रे यांची पुण्यातील यशवंतराव चव्हाण विकास प्रशासन प्रबोधिनी (YASHADA) येथे उपमहासंचालक (Deputy Director General) म्हणून बदली करण्यात आली आहे.
सौम्या शर्मा-चांदक (आयएएस:आरआर:2018): नागपूर स्मार्ट सिटी प्रकल्पाच्या मुख्य कार्यकारी अधिकारी असलेल्या सौम्या शर्मा-चांदक यांची आता अमरावती महानगरपालिकेच्या आयुक्तपदी नियुक्ती झाली आहे.
जिथिन रहमान (आयएएस:आरआर2020): वर्धा जिल्हा परिषदेचे मुख्य कार्यकारी अधिकारी असलेले जिथिन रहमान यांची बीड जिल्हा परिषदेच्या मुख्य कार्यकारी अधिकारीपदी बदली करण्यात आली आहे.
Comments are closed.